شىمكەنتتٸك حقو-دا دايىن قۇجاتتاردى جەتكٸزۋ قىزمەتٸ ٸسكە قوسىلدى
قازٸرگٸ تاڭدا جەتكٸزۋ سەرۆيسٸ ارقىلى 144 مەملەكەتتٸك قىزمەت تٷرٸ قولجەتٸمدٸ, ونىڭ ٸشٸندە – جىلجىمايتىن مٷلٸككە قۇقىقتاردى (اۋىرتپالىقتاردى) مەملەكەتتٸك تٸركەۋ, جەر ۋچاسكەلەرٸنٸڭ اكتٸلەرٸ, بٸلٸم تۋرالى قۇجاتتاردى اپوستيلدەۋ, مۇراعات انىقتامالارى, ەسكەري بيلەتتەردٸڭ تەلنۇسقالارىن بەرۋ جەنە باسقالار بار. ال, جٷرگٸزۋشٸ كۋەلٸگٸ, جەكە كۋەلٸكتەردٸ, پاسپورتتاردى جەنە باسقا دا قۇجاتتاردى ٷيگە دەيٸن تاپسىرىسپەن جەتكٸزۋ قىزمەتٸ جاقىن ارادا قولجەتٸمدٸ بولادى.
– قۇجاتتاردى جەتكٸزۋ قىزمەتٸ جەكە تۇلعالارعا كٶرسەتٸلەدٸ, سەرۆيسكە 144 مەملەكەتتٸك قىزمەت قوسىلعان. كليەنت قۇجاتتاردى حقو-عا تاپسىرعاننان كەيٸن, ۆەب-سٸلتەمەسٸ بار SMS-حابارلاما جولدانادى, ول جەردە ٶتٸنٸمدٸ تولتىرىپ, مەلٸمەتتەردٸ ەنگٸزٸپ جەنە جەتكٸزٸلٸم اقىسىن سول سٸلتەمە ارقىلى تٶلەۋ كەرەك. قىزمەت اقىلى, قالا بويىنشا جەتكٸزۋ قۇنى 970 تەڭگە, – دەدٸ دانابەك يسابەكوۆ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ شىمكەنت قالاسى بويىنشا فيليالىنىڭ ديرەكتورى.
ەستەرٸڭٸزگە سالايىق, دايىن قۇجاتتاردى جەتكٸزۋ قىزمەتٸ وسى جىلدىڭ مامىر ايىندا نۇر-سۇلتان مەن الماتى قالالارىندا ٸسكە قوسىلعان بولاتىن. ەندٸ ول شىمكەنت قالاسىنىڭ تۇرعىندارىنا دا قولجەتٸمدٸ. سونداي-اق, Egov.kz ەلەكتروندى ٷكٸمەت پورتالىندا تەحپاسپورت پەن كٶلٸك نٶمٸرٸن ٷيگە جەتكٸزۋ قىزمەتٸ قولجەتٸمدٸ.
