Shymkenttik HQO-da daiyn qujattardy jetkizý qyzmeti iske qosyldy
Qazirgi tańda jetkizý servisi arqyly 144 memlekettik qyzmet túri qoljetimdi, onyń ishinde – jyljymaityn múlikke quqyqtardy (aýyrtpalyqtardy) memlekettik tirkeý, jer ýchaskeleriniń aktileri, bilim týraly qujattardy apostildeý, Muraǵat anyqtamalary, áskeri biletterdiń telnusqalaryn berý jáne basqalar bar. Al, júrgizýshi kýáligi, jeke kýálikterdi, pasporttardy jáne basqa da qujattardy úige deiin tapsyryspen jetkizý qyzmeti jaqyn arada qoljetimdi bolady.
– Qujattardy jetkizý qyzmeti jeke tulǵalarǵa kórsetiledi, serviske 144 memlekettik qyzmet qosylǵan. Klient qujattardy HQO-ǵa tapsyrǵannan keiin, veb-siltemesi bar SMS-habarlama joldanady, ol jerde ótinimdi toltyryp, málimetterdi engizip jáne jetkizilim aqysyn sol silteme arqyly tóleý kerek. Qyzmet aqyly, qala boiynsha jetkizý quny 970 teńge, – dedi Danabek Isabekov «Azamattarǵa arnalǵan úkimet» memlekettik korporatsiiasynyń Shymkent qalasy boiynsha filialynyń direktory.
Esterińizge salaiyq, daiyn qujattardy jetkizý qyzmeti osy jyldyń mamyr aiynda Nur-Sultan men Almaty qalalarynda iske qosylǵan bolatyn. Endi ol Shymkent qalasynyń turǵyndaryna da qoljetimdi. Sondai-aq, Egov.kz elektrondy úkimet portalynda tehpasport pen kólik nómirin úige jetkizý qyzmeti qoljetimdi.
