بۇگىندە وبلىس كولەمىندە «ەكسپو - 2017» حالىقارالىق مامانداندىرىلعان كورمەسىنە دايىندىق جۇمىستارى جان-جاقتى جۇرگىزىلۋدە. كورمەنىڭ جوعارى دەڭگەيدە وتۋىنە اتسالىساتىن 150 ەرىكتى دە دايىندىقتارىن كۇن سايىن پىسىقتاپ جاتىر. سونداي-اق، كورمەنىڭ ءوتۋ كەزەڭىندە استانا قالاسىن ازىق-تۇلىك ونىمدەرىمەن قامتاماسىز ەتۋ ماقساتىندا اۋىل شارۋاشىلىعى باسقارماسى ءتيىستى جۇمىستاردى اتقارۋدا.
ال وڭتۇستىك جۇرتشىلىعى ءقازىردىڭ وزىندە بيلەتتەردى جاپپاي ساتىپ الۋعا كوشكەن. ونىڭ ىشىندە وڭىردەگى قالتالى ازاماتتار ءوز قارجىلارىنا بيلەت الىپ، الەۋمەتتىك تۇرمىسى تومەن وتباسىلار مەن مۇگەدەكتەرگە جانە دە ارداگەرلەرگە سىيلىق رەتىندە تارتۋ ەتۋدە. وسىنداي يگى باستامانى قولعا العان ازاماتتىڭ ءبىرى وبلىس دەپۋتاتى، تۇركىستاندىق كاسىپكەر راحىم تاڭىربەرگەنوۆ.
بەلسەندى ازامات شىمكەنت قالاسىنداعى ءال-فارابي الاڭىندا «ەكسپو-2017» حالىقارالىق كورمەسى مەن ەلباسىنىڭ «بولاشاققا باعدار: رۋحاني جاڭعىرۋ» ماقالاسىنا قولداۋ بىلدىرگەن جاستار مەن ۇلتتىق اسپاپتار وركەسترىنىڭ قاتىسۋىمەن وتكەن شاراعا قاتىسىپ، ەلوردادا وتەتىن كورمەگە 2 ميلليون تەڭگەگە 500 بيلەتتى ءوز قاراجاتىنا ساتىپ العانىن ايتتى.
«ەكسپو-2017» كورمەسىنە ءاربىر ازامات اتسالىسۋى ءتيىس دەپ ەسەپتەيمىن. ويتكەنى بۇل وتە ماڭىزدى شارا. ەلىمىزگە الەمنىڭ 100-دەن استام مەملەكەتتەن قوناقتار كەلگەلى وتىر. سوندىقتان وسىنداي اۋقىمى زور شارادان وڭتۇستىكقازاقستاندىقتار دا سىرت قالماۋى ءتيىس دەپ ويلاپ، بۇگىن ءوز قاراجاتىما 500 بيلەت ساتىپ الىپ وتىرمىن. بۇل بيلەتتەردى وزىمە قاراستى مەكەمەدە ەرەن ەڭبەگىمەن كوزگە ءتۇسىپ جۇرگەن ازاماتتارعا ۇسىنامىن. سونىمەن قاتار، جاز ايىندا كورمەگە بارۋ ءۇشىن ارنايى اۆتوبۋستار ۇيىمداستىرىپ، تۇركىستاندىقتاردى ءوز ەسەبىمنەن استاناعا اپارىپ قايتامىن»
- دەدى راحىم كولباي ۇلى.
