– مىنە، بارشامىز قۋانىشتى وقيعانىڭ كۋاسى بولىپ وتىرمىز. جاڭادان اشىلىپ وتىرعان زاماناۋي اكۆاپارك بارلىق تالاپقا ساي ەتىپ جاسالعان. بۇگىندە قالامىزدا حالىقتىڭ تىنىعىپ، دەمالۋىنا ارنالعان ورىندار كوبەيىپ كەلەدى. ماسەلەن، جۋىردا عانا قالانى قاقا جارىپ اعاتىن قوشقار اتا وزەنىنىڭ بويىن اباتتاندىرىلىپ، سۋعا شومىلۋعا ارنالعان ورىندار پايدا بولدى. مۇنداي جۇمىستار ءالى دە جاسعاسىن تاباتىن بولادى، – دەدى جانسەيىت قانسەيىت ۇلى.
اكۆاپارك 2 گەكتار اۋماقتى الىپ جاتىر. وندا بيىكتەن سىرعانايتىن 8 توبەشىك ورنالاسقان. ونىڭ 2-ەۋى بيىكتىگى 22 مەتردى قۇرايتىن ەلىمىزدەگى ەڭ بيىك توبەشىك بولسا، تمد ەلدەرى اراسىندا ەڭ ۇزىن توبەشىك تە وسىندا بوي كوتەرگەن. ايتا كەتەيىك، «FONTAN» اكۆاپاركى ورتا ازياداعى ەرەسەكتەر مەن بالالارعا ارنالعان ەڭ ۇلكەن سۋ قالاشىعى. مۇندا جاساندى تولقىن جانە باسسەيىن سۋىن جىلىتۋعا ارنالعان قۇرىلعىلار ورناتىلعان.
كاسىپكەردىڭ ايتۋىنشا، دەمالىس ايماعىندا 200-گە جۋىق ادام جۇمىسپەن قامتىلعان. تاۋلىگىنە 2 مىڭنان استام كەلۋشىگە قىزمەت كورسەتۋگە قاۋقارلى.
شارا بارىسىندا بالالارعا ارنالعان ويىن-ساۋىق باعدارلاما مەن ۇتىس ويىندارى ۇيىمداستىرىلدى. كەش سوڭى قازاقستاننىڭ ەسترادا جۇلدىزدارىنىڭ قاتىسۋىمەن كونسەرتتىك باعدارلاماعا ۇلاستى.
