شىمكەنت قالاسى تۇرعىن ءۇي باسقارماسىنىڭ باسشىسى قالانىڭ سەيسميكالىق قاۋىپسىزدىگىن قامتاماسىز ەتۋگە بولىنگەن بيۋدجەت قاراجاتىن جىمقىرۋ بويىنشا كۇدىكتى دەپ تانىلدى، - دەپ حابارلايدى Dalanews.kz.
تەكسەرىس ناتيجەسىندە شىمكەنت قالاسى بويىنشا سىبايلاس جەمقورلىققا قارسى ءىس-قيمىل دەپارتامەنتى شىمكەنت قالاسى تۇرعىن ءۇي باسقارماسى باسشىسىنىڭ مىندەتىن اتقارۋشىعا قاتىستى سوتقا دەيىنگى تەرگەپ-تەكسەرۋدى باستادى.
لاۋازىمدى ادام قالانىڭ 216 تۇرعىن ءۇيىنىڭ سەيسميكالىق تۇراقتىلىعىن تەحنولوگيالىق تەكسەرۋ جونىندەگى جۇمىستاردى ورىنداۋعا بولىنگەن اسا ءىرى مولشەردەگى قارجىنى الدىن الا ءسوز بايلاسۋ بويىنشا ادامدارمەن بىرگە جىمقىردى دەگەن كۇدىككە ءىلىندى. مەملەكەتكە، الدىن الا بولجام بويىنشا، 120 ملن تەڭگە زالال كەلتىرىلگەن.
قازىرگى ۋاقىتتا ول شىمكەنت قالاسىنداعى ۋاقىتشا ۇستاۋ يزولياتورىنا قاماۋعا الىندى. تەرگەۋ جالعاسىپ جاتىر.
