ارناۋلى كوررەكسيالىق قوس بوبەكجاي-بالاباقشا جالپى 110 ورىنعا لايىقتالعان. قوس عيمارات كاسىپكەر مەسەنات، «قازاقستاننىڭ 100 جاڭا ەسىمى» جوباسىنىڭ جەڭىمپازى، وبلىستىق ءماسليحات دەپۋتاتى، «وتاۋ گرۋپ» كومپانياسىنىڭ پرەزيدەنتى قايرات مولداسەيىتوۆ دەمەۋشىلىگىمەن سالىنعان. جوبانىڭ جالپى قۇنى 280 ملن. تەڭگەنى قۇرايدى.
جاڭا ورتالىقتىڭ اشىلۋ سالتاناتىندا العاشقى بولىپ ءسوز العان وبلىس اكىمى جانسەيىت تۇيمەبايەۆ بالعىندارعا ارنالعان ارناۋلى بوبەكجاي-بالاباقشالاردىڭ اشىلۋىمەن قالا تۇرعىندارىن تۇرعىندارىن قۇتتىقتادى.
– بۇگىن ەل يگىلىگى ءۇشىن سالىنعان الەۋمەتتىك نىسانداردىڭ بىرىنە كۋا بولىپ وتىرمىز. بۇل 60 جانە 50 ورىندىق ەكى بالاباقشا بۇگىننەن باستاپ ەل يگىلىگى ءۇشىن پايدالانۋعا تاپسىرىلادى. ونىڭ ءبىرى «ايگەرىم» بوبەكجاي-بالاباقشاسى– پسيحيكالىق دامۋى شەكتەۋلى بالالارعا ارنالادى. ەكىنشىسى «دوستىق» بوبەكجاي-بالاباقشاسى – تىرەك-قيمىل فۋنكسيالارى بۇزىلعان بالالارعا ارناپ سالىندى. وسى ءبىر تاعدىردىڭ سالعانىنا ەرىكسىز مويىنسىنعان جاس جەتكىنشەكتەرىمىز ءۇشىن قول ۇشىن سوزىپ، كومەك بەرگەن قايرات قۇسەيىنۇلىنا العىسىمىز شەكسىز. وسىنداي قولداۋ كورسەتىپ، دەمەۋشىلىك جاساپ جۇرگەن كاسىپكەرلەردىڭ ەڭبەكتەرى وزگەلەرگە ۇلگى بولارلىق شىنايى ءپاتريوتيزمنىڭ كورىنىستەرى دەپ بىلەمىن، – دەدى جانسەيىت تۇيمەبايەۆ.
وڭتۇستىككە «رۋحاني جاڭعىرۋ» باعدارلاماسى اياسىندا كاسىپكەرلەر دەمەۋشىلىگىمەن كوپتەگەن الەۋمەتتىك نىساندار سالىنىپ، ەل يگىلىگىنە بەرىلۋدە.
مۇنداي يگىلىكتى ىستەر ءالى دە جالعاساتىن بولادى.
