شىمكەنتتە قازا تاپقان 21 جاستاعى قىزدىڭ ٶلٸمٸنە قاتىستى تىڭ دەرەكتەر شىقتى, دەپ حابارلايدى Dalanews.kz.
"كتك" تەلەارناسى مەلٸمەتٸنشە, شىمكەنتتٸڭ ورتالىعىندا پىشاقتالىپ قازا تاپقان نۇرايدىڭ مەيٸتٸ تۋعان اۋىلى تٶرتكٶلدە جەر قوينىنا تاپسىرىلعان.
جاقىندارىنىڭ ايتۋىنشا, مارقۇم مەن كٷدٸكتٸ بىلتىر تويدا تانىسقان. كٶپ ٶتپەي, ونى الىپ قاشقان كەزدە قىز كٶنبەي كەتٸپ قالعان. بٸراق سودان بەرٸ بويجەتكەندٸ اڭدۋىن قويماعان كٶرٸنەدٸ.
"قىز بەن جٸگٸت تانىس بولعان. بٸراق قىز بۇل جٸگٸتتٸ ۇناتپاعان. قىز اتا-اناسىنا "بٸر جٸگٸت ارتىمنان قالمايدى, تەلەفونىما قايتا-قايتا قوڭىراۋ شالادى" دەگەن. تەلەفون ارقىلى قورقىتىپ, ٷركٸتكەن. كٸرەبەرٸستٸڭ الدىندا قىزدى كٷتٸپ وتىرعان. بولماعان سوڭ اتا-اناسى قالا پروكۋراتۋراسى مەن پوليتسييا دەپارتامەنتٸنە ارىزدانعان", - دەدٸ مارقۇمنىڭ تۋىسى كەرٸمجان كەنجەتاەۆ.
الماتىدا ديزاينەر ماماندىعى بويىنشا وقىپ جٷرگەن نۇراي سەرٸكباي قىسقى دەمالىسقا كەلگەن. دٷكەنگە شىققاندا ونى تورۋىلداعان كٷدٸكتٸ قيناپ سٶيلەسپەك بولعان. بٸراق قىز كٶنبەي, قاشقان كەزدە ارتىنان قۋىپ جٷرٸپ پىشاقتاعان.
"التىنداي, سونداي اقىلدى قىزىمنان ايىرىلىپ وتىرمىن. تولىقتاي جازاسىن السىن. ٶمٸر بويىنا سوتتالىپ كەتسە دە جانىم اشىمايدى. ايۋاندىقپەن قىزىمدى ٶلتٸردٸ. ەشقاشان كەشٸرۋگە بولمايدى", - دەدٸ مارقۇمنىڭ تۋىسى ايگٷل ساعىمبەك.
ەسكە سالايىق, كەشە پوليتسييا قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا 21 جاستاعى جەرگٸلٸكتٸ تۇرعىندى ٶلتٸردٸ دەگەن كٷدٸكتٸ ەر ادامدى ۇستادى.
