شىمكەنت قالاسى بويىنشا تۇرعىن ءۇي الۋ تىزىمىندە تىركەلگەندەر سانى – 40 752 ازامات. ونىڭ ىشىندە، جەتىم جانە اتا-اناسىنىڭ قامقورلىعىنسىز قالعان بالالار – 1663، كوپبالالى وتباسىلار – 6129، حالىقتىڭ الەۋمەتتىك جاعىنان ءالسىز توبى – 13576، مەملەكەتتىك قىزمەتشىلەر، بيۋدجەتتىك ۇيىم جانە اسكەري قىزمەتشىلەر – 19357، جالعىز تۇرعىن ءۇيى اپاتتى جاعدايدا دەپ تانىلعان ازاماتتار ساناتى – 27.
جىل باسىنان بەرى تۇرعىن ءۇي كەزەگىنە قۇجات تاپسىرعاندار – 11 280. كەزەككە تىركەلگەندەرى – 4530.
2020 جىلى «نۇرلى جەر» مەملەكەتتىك باعدارلاماسى اياسىندا ارەندالىق تۇرعىن ءۇي باعىتى بويىنشا 1596 پاتەر بەرىلدى. ۇلى وتان سوعىسى ارداگەرلەرى – 2، جەتىم جانە اتا-اناسىنىڭ قامقورلىعىنسىز قالعان بالالار – 48، كوپبالالى وتباسىلار – 450، حالىقتىڭ الەۋمەتتىك جاعىنان ءالسىز توبى – 192، جۇمىس ىستەيتىن جاستار – 904.
سونداي-اق، ازاماتتاردىڭ كەزەكتىلىك تىزىمىنە تۇگەندەۋ جۇمىستارى ورىندالدى. 2020 جىلى تۇرعىن ءۇي كەزەگىندە تىركەلگەن ازاماتتار (وتباسى مۇشەلەرىمەن بىرگە) بويىنشا 118 678 وڭدەۋلەر (كوررەكتيروۆكا) جۇرگىزىلىپ، يەلىگىندە تۇرعىن ءۇي تىركەلگەن، باسقا ەلدى-مەكەنگە قونىس اۋدارعان، ساناتىن جوعالتقان، قايتىس بولۋ سەبەپتەرىمەن 4456 ازامات تۇرعىن ءۇي الۋ تىزىمىنەن شىعارىلدى.
شىمكەنت قالاسى اكىمىنىڭ باسپا ءسوز قىزمەتى
