– «ناۋرىز – شىمكەنتتەن باستالادى» اتتى مەگاجوباسى اياسىندا 103 ٸس-شارا ٶتتٸ. بۇل مەرەكەلٸك جيىندارعا 213 ملن تەڭگە جۇمسالدى. ال قازنەتتە تالقىعا تٷسكەن 572 ملن تەڭگە شىمكەنت قالاسى مەسليحات دەپۋتاتتارىنىڭ قولداۋىمەن جىل سوڭىنا دەيٸن ٶتكٸزٸلەتٸن ٸس-شارالارعا بٶلٸنگەن.
جالپى, ۇلىستىڭ ۇلى كٷنٸنە وراي 157 مەرەكەلٸك جيىن ٶتكٸزۋدٸ جوسپارلاعانبىز. بٸراق ەپيدەميولوگييالىق احۋالعا بايلانىستى ولاردىڭ سانى قىسقاردى, – دەدٸ حانزادا ەزٸمحانقىزى.
وسى ورايدا شىمكەنت قالاسى ەكٸمٸنٸڭ بٸرٸنشٸ ورىنباسارى شىڭعىس مۇقان ون كٷندٸك مەرەكە بارىسىنا توقتالدى.
– ۇلىستىڭ ۇلى كٷنٸندە شىمكەنت قالاسىنا بٷكٸل حالىقتى جيناۋعا بولاتىنىنا كٶزٸمٸز جەتتٸ. تارقاتىپ ايتسام, كەشەگٸ «ناۋرىز – شىمكەنتتەن باستالادى» اتتى مەگاجوباسى اياسىندا ٷشٸنشٸ مەگاپوليسكە كەلۋشٸلەردٸڭ سانى ەكٸ-ٷش ەسەگە ارتقان. ياعني, بٸز بٸر ماقساتتى ورىندادىق دەگەن سٶز.
بٸراق مەرەكەنٸ جوسپارداعىداي ٶز دەڭگەيٸندە ٶتكٸزدٸك دەي المايمىز. ٸندەتكە بايلانىستى جاپپاي مەرەكەلٸك سەرۋەندەۋ بولعان جوق. وعان قوسا, اشىق الاڭداعى باعدارلامالار اۋا-رايىنىڭ قولايسىزدىعىنا بايلانىستى كونتسەرتتٸك زالدارعا اۋىستىرىلىپ, كەلۋشٸلەردٸڭ سانى شەكتەلۋمەن ۇيىمداستىرىلدى. ال مەرەكە قىزعان شاقتا 21, 22, 23 ناۋرىز كٷندەرٸ ٸس-شارالاردى تەلەۆيزييالىق كٶرسەتٸلٸمگە كٶشٸرۋگە تۋرا كەلدٸ, – دەدٸ شىمكەنت قالاسى ەكٸمٸنٸڭ بٸرٸنشٸ ورىنباسارى.
بريفينگ بارىسىندا شىڭعىس جۇمابەكۇلى مەدەنيەت سالاسى بويىنشا سٶز قوزعادى.
ونىڭ ايتۋىنشا, ٶركەنيەتتٸ ەلدەردە مەدەنيەت سالاسىنا كٶپ كٶڭٸل بٶلەدٸ. ياعني, كرەاتيۆتٸ قالا دامۋ نەگٸزٸنە اينالادى. تٸپتٸ مەدەنيەت ينفراقۇرىلىمنان دا ماڭىزدى.
شىڭعىس جۇمابەكۇلىنىڭ سٶزٸنە سٷيەنسەك, بٷگٸندە شىمكەنت قالاسىنىڭ مەدەنيەت سالاسىنا تولىق اناليز جاسالىنىپ, دامۋ جوسپارى ناقتى بەكٸتٸلگەن. ونىڭ ٸشٸندە كٸتاپحانالاردى جاڭعىرتۋ باستى نازارعا الىنعان.
