شىمكەنتتە ەر ادام كەمەلەتكە تولماعان قىزدى ٶز ەركٸنەن تىس الىپ قاشقان. بۇل تۋرالى جەبٸرلەنۋشٸ مەلٸمدەدٸ, دەپ حابارلايدى Dalanews.kz.
EGov.press تەلەگرام ارناسى ۇسىنعان مەلٸمەتكە سٷيەنسەك, شىمكەنت قالاسىنىڭ 17 جاستاعى تۇرعىنى ٶزٸنە قاتىستى اۋىر قىلمىس جاسالعانىن مەلٸمدەگەن. ايتۋىنشا, ٶزٸن بۇرىن-سوڭدى كٶرمەگەن ەر ادام بٸرنەشە سەرٸگٸمەن جول بويىنان كٷشتەپ كٶلٸككە وتىرعىزىپ, بەلگٸسٸز باعىتقا الىپ قاشقان.
“مٷلدەم تانىمايتىن ەر ادام الىپ قاشتى. كەيٸن ونىڭ ماقساتىن تٷسٸندٸم, مەنٸ ەيەل قىلىپ الماق بولعان. ارتىنشا مەنٸ تٷركٸستان وبلىسى, سارىاعاش اۋدانىنا الىپ بارعانىن بٸلدٸم. ٷيگە كٸرگەن كەزدە ولاردىڭ تۋىستارى مەن جەڭگەلەرٸ ورامالدارىن الا جٷگٸرٸپ, بالالارى وتشاشۋ اتىپ جاتتى. الىپ قاشۋ سەتٸن كامەراعا تٷسٸرٸپ جٷرگەن ادامدار دا كٶپ بولدى. سول كەزدە بۇل ەرەكەتتٸڭ الدىن الا جوسپارلانعانىن تٷسٸندٸم”, - دەيدٸ ول.
جەبٸرلەنۋشٸ اتا-اناسىنىڭ ول كەزدە قاسىندا بولماعانىن كٷدٸكتٸلەر بٸلە تۇرا, جاعدايدى ەدەيٸ ۇيىمداستىرعانىن ايتادى.
“مەن بٸرنەشە رەت 17 جاستا ەكەنٸمدٸ ايتىپ, اتا-اناما حابارلاسۋ كەرەگٸن تالاپ ەتتٸم. الايدا سوعان قاراماستان, ولار مەنٸ كٷشتەپ ٶز ٷيلەرٸنە كٸرگٸزدٸ”, - دەپ قوستى ول.
كەيٸن كٷدٸكتٸلەر تەلەفونىن تارتىپ الىپ, ٶز ەركٸمەن بارعانىن جەنە ەشقانداي مەجبٷرلەۋ بولماعانى تۋرالى قولحات جازدىرۋعا تىرىسقان.
“ەگەر قولحات جازباسام, تەلەفونىمدى بەرمەيتٸندەرٸن ايتتى. مەن قولحات جازبايتىنىمدى ايتقاننان كەيٸن, ولار مەنٸ جىنىستىق قاتىناسقا مەجبٷرلەدٸ”, - دەيدٸ جەبٸرلەنۋشٸ.
سونىمەن قاتار كٷدٸكتٸلەر ايتقاندارىنا كٶنبەسە, قاماپ ۇستايتىندارىن ايتقان.
“ولار بۇل ەرەكەتتەرٸن “قازاقشىلىق”, “دەستٷرٸمٸز وسىنداي”, “بۇل ٷيدەن قىز بولىپ شىقپاۋىڭ كەرەك” دەپ اقتاۋعا تىرىستى. سونىمەن قاتار ارى قاراي وقۋعا بارمايتىنىمدى, بۇل ٷيدەن شىقپايتىنىمدى ايتتى”, - دەيدٸ ول.
جەبٸرلەنۋشٸنٸڭ سٶزٸنشە, مەجبٷرلٸ تٷردە جىنىستىق قاتىناسقا تٷسٸرگەننەن كەيٸن, ولار تٶسەك جايماسىن الىپ, كەلەسٸ بٶلمەدە وتىرعان جەڭگەلەرٸنە بارىپ “سٷيٸنشٸ” سۇراپ, ٶزدەرٸنشە تويلاعان.
“ال بولعان زورلىق-زومبىلىقتان كەيٸن مەنٸڭ قانداي كٷيدە بولعانىم ەشكٸمدٸ قىزىقتىرمادى, ەشكٸم جاعدايىما مەن بەرگەن جوق”, - دەيدٸ ول.
جەبٸرلەنۋشٸ اراعا ۇزاق ۋاقىت سالماي كٷدٸكتٸلەردٸڭ ٷيٸنەن قاشىپ كەتكەن. الايدا سودان بەرٸ بۇل ٸس بويىنشا ەشكٸم تەرگەلمەگەن ەرٸ جاۋاپكەرشٸلٸككە تارتىلماعان.
“قازٸرگٸ تاڭدا مەن انام مەن باۋىرلارىمنىڭ جانىندامىن. ماعان قاۋٸپ تٶنٸپ تۇرعان جوق. بٸراق وسى بولعان وقيعاعا قاتىسى بار بارلىق ادامنىڭ قاتاڭ جازالانعانىن سۇرايمىن”, - دەدٸ ول.
