ايماق باسشىسى، ەڭ الدىمەن، شىمكەنت قالاسىن ارالاۋ بارىسىندا بولعان ءبىرقاتار كەمشىلىكتەرگە توقتالىپ، ارعىنبەكوۆ كوشەسى، تەمىرلان تاس جولى جانە باسقا كوشەلەردەگى ورىن الىپ جاتقان تۇرعىن ۇيلەردىڭ قاسبەتتەرى مەن اۋلالارىنىڭ ساۋلەتتىك كەلبەتتەرى تالاپقا ساي ەمەستىگىن، بىركەلكى ساۋلەتتىك ءستيلدىڭ جوقتىعىنا نازار اۋداردى. سونداي-اق، باس جوسپار بويىنشا جاسالىپ جاتقان قۇرىلىس جۇمىستارىنىڭ جۇيەلىلىگىنىڭ ءتيىستى ماماندار تاراپىنان قاداعالانباۋىنىڭ سالدارىنان قالا كەلبەتىنىڭ كەلەڭسىز جاعدايدا قالىپ وتىرعانىن اتاپ ءوتتى. ءار باسقارما ءوز سالاسىنا قاتىستى ءتيىستى جۇمىستارىن ۋاقىتىلى جانە ساپالى اتقارۋى قاجەتتىگىن تالاپ ەتتى.
– شىمكەنت قالاسىنىڭ باس جوسپارىنداعى تۇجىرىمداماعا سايكەس، قالا اۋماعىندا جۇرگىزىلىپ جاتقان قۇرىلىس نىساندارىنىڭ باستى باعىتتارىن انىقتاپ، ءبىر جۇيەگە ءتۇسىرۋ امالدارىن قاراستىرۋ بۇگىنگى ءماجىلىستىڭ كۇن تارتىبىنە قويىلعان. د.قونايەۆ گۇلزارىن تاشكەنت باعىتىنا شىعارۋ، قالا ورتالىعىنداعى قوشقار اتا وزەنىنىڭ بويىن اباتتاندىرۋ جانە "ەسكى قالاشىق" اۋماعىن رەتتەۋ جۇمىستارىنىڭ بارىسىندا انىقتالعان ماسەلەلەر وسىنداي ماجىلىستەردە تالقىلانىپ، وڭ شەشىمىن تابۋى ءتيىس. قازىرگى تاڭدا قالالىق قالا قۇرىلىسى كەڭەسىنىڭ جانە وبلىستىق قالا قۇرىلىسى كەڭەسىنىڭ اراسىندا بولىپ جاتقان الشاقتىقتىڭ سالدارىنان جوعارىدا ايتىلعان كەمشىلىكتەر ورىن الىپ وتىر. وسىعان بايلانىستى، وبلىستىق قالا قۇرىلىسى كەڭەسىنىڭ قۇرامىن قايتا قاراپ، جۇمىسىن جانداندىرۋ ءبىرىنشى كەزەكتەگى ماسەلە، – دەدى ج.تۇيمەبايەۆ.
باسقوسۋدا ايماق باسشىسى جوعارىدا ايتىلعان ماسەلەلەردىڭ ماڭىزدىلىعىن ەسكەرە وتىرىپ، رەسپۋبليكامىزدىڭ باسقا قالالارىندا، اسىرەسە، استانا جانە الماتى قالالارىندا ىسكە اسىرىلىپ جاتقان زاماناۋي ساۋلەتتىك جوبالاردىڭ اۆتورلارىن وڭىرگە شاقىرىپ، تاجىريبە الماسۋ جۇمىستارىن جولعا قويۋ قاجەتتىگىن ەسكەرتتى.
وسى تۇرعىدا الماتىدان ارنايى شاقىرىلعان "ەففەكت" ءجشس-نىڭ ديرەكتورى جاندوس نۇربەكوۆتىڭ 3D فورماتىنداعى ەكى جوباسىنىڭ بەينەروليگى تانىستىرىلدى. ولاردى تالقىلاۋ بارىسىندا "ەدەلۆەيس" نەمەسە "ەڭلىكگۇل" گۇلىنە ۇقساس ەتىپ جاسالعان ويىن-ساۋىق ورتالىعىنىڭ (اۋماعى 4-6 گەكتار جەردى قامتيدى) جوباسىن شىمكەنت قالاسىندا، اتاپ ايتقاندا، بۇگىنگى تاڭدا يگەرىلىپ جاتقان «تۇران» شاعىن اۋدانىنا سالۋ ۇسىنىلدى. ال تاريحي-ەتنوگرافيالىق تۋريستىك نىسان رەتىندە تازا قازاق اۋىلىن ەلەستەتەتۋدى ماقسات تۇتىپ، كورسەتىلگەن ەكىنشى جوبانى تۇركىستان قالاسىنا سالۋدىڭ مۇمكىندىگىن قاراستىرۋ تاپسىرىلدى.
ايتا كەتەتىن جاعداي، ەڭلىكگۇل ۇلگىسىندەگى مۇنداي نىسان تمد ەلدەرىندە جوق. ال تۇركىستاندا سالىنۋى ءتيىس جوبانىڭ ەرەكشەلىگى – ونىڭ باعزى زاماننىڭ شىنايى كورىنىسىن قالىپتاستىرۋىندا. ياعني، رۋحاني استانادا اتالعان جوبا بوي كوتەرەتىن بولسا، اۆتوكولىك، ەلەكتر باعانالارى سياقتى بۇگىنگى وركەنيەتتىڭ قاجەتتىلىكتەرى بولمايدى.
كەزدەسۋدە شىمكەنت قالاسىنىڭ اكىمى عابيدوللا ءابدىراحىموۆ شاھاردىڭ ساۋلەتتىك كەلبەتى بويىنشا بايانداما جاساپ، شىمكەنت قالاسى باس جوسپارىنىڭ وزەكتەندىرۋ جۇمىستارىنىڭ 1ء-شى جانە 2ء-شى كەزەڭى ورىندالىپ قابىلدانعانىن، ەندى 3ء-شى كەزەڭنىڭ جۇمىستارىن جۇرگىزۋ 2017 جىلدىڭ ناۋرىز ايىنا جوسپارلانعانىن جەتكىزدى.
وقو اكىمىنىڭ باسپا ءسوز قىزمەتى
