موتوتسيكلدٸ ٶمٸرٸنٸڭ مەنٸ دەپ بٸلەتٸن 100 شاقتى بايكەر كەزەكتٸ ماۋسىمنىڭ اشىلۋىن «ەكسپو-2017» حالىقارالىق كٶرمەسٸنە ارنادى. شىمكەنت قالاسىنىڭ كٶشەلەرٸن ارالاپ, «ەكسپو-2017» كٶرمەسٸن ناسيحاتتاعان اۆتوشاباندوزدار ٶزدەرٸنە تەن ەرەجەلەر مەن قاعيدالاردى جۇرت نازارىنا ۇسىندى. سونداي-اق شىمكەنت قالاسىنداعى №3 جەتٸم بالالار ٷيٸنە ارنايى بارىپ, قايىرىمدىلىق شاراسىنا اتسالىستى.
وڭتٷستٸك قازاستان بايكەرلەر فەدەراتسيياسىنىڭ پرەزيدەنتٸ رٷستەم بازاربەكوۆتٸڭ ايتۋىنشا, 29 مامىر كٷنٸ وڭتٷستٸكقازاقستاندىق 10 بايكەر ەكسپو-2017 كٶرمەسٸنٸڭ قۇرمەتٸنە رەسپۋبليكالىق موتوشەرۋ ۇيىمداستىرماق. شىمكەنت قالاسىنان باستاۋ الاتىن موتوشەرۋدٸڭ ماقساتى – ەكسپو كٶرمەسٸن رەسپۋبليكا جۇرتىنا كەڭٸنەن ناسيحاتتاۋ.
«موتوشەرۋ 29 – مامىردا شىمكەنتتەن باستاۋ الادى. بٸزدٸڭ بۇل يدەيامىزعا وڭتٷستٸك قازاقستان وبلىسىنىڭ ەكٸمدٸگٸ قولداۋ بٸلدٸرٸپ وتىر. ەڭ الدىمەن بٸز رۋحاني استانامىز - تٷركٸستان قالاسىنا سوسىن قىزىلوردا, اقتٶبە, قوستاناي, پەتروپاۆل, كٶكشەتاۋ قالالارى ارقىلى ەلوردا دا ٶتٸپ جاتقان «ەكسپو-2017» حالىقارالىق كٶرمەسٸنٸڭ اشىلۋ سالتاناتىنا كٸرٸپ بارعالى وتىرمىز», - دەيدٸ وڭتٷستٸك قازاستان وبلىستىق موتوتسيكليستەر فەدەراتسيياسىنىڭ پرەزيدەنتٸ رٷستەم بازاربەكوۆ.
ەستەرٸڭٸزگە سالا كەتەيٸك, بٷگٸندە وڭتٷستٸك قازاقستان وبلىسىندا موتوسپورتقا قىزىعۋشىلىق تانىتىپ, بايكەر اتانعانداردىڭ سانى 300-گە جۋىقتايدى. ولار جىل سايىن وبلىسىمىزداعى قوعامدىق ٸس-شارالارعا بەلسەنە قاتىسىپ, جاستاردى سپورتقا باۋلۋعا, سالاۋاتتى ٶمٸر سالتىن ۇستانۋعا اتسالىسىپ كەلەدٸ.
وقو ەكٸمٸنٸڭ باسپاسٶز قىزمەتٸ
