تۇسكەن كەزدەگى جاعدايى وتە اۋىر بولعان، ءارى وزدىگىنەن دەمالا الماعان ناۋقاستى دارىگەرلەر جانساقتاۋ بولىمىندەگى وكپەنى جاساندى جەلدەتۋ اپپاراتىنا قوسقان.
كومپيۋتەرلىك توموگرافيا ناتيجەسىندە ناۋقاس وكپەسىنىڭ 90 % زاقىمدالىپ، ەكى جاقتى پنيەۆمونيا ەكەنى انىقتالدى. بۇعان قوسا پسر ساراپتاماسى بويىنشا جاڭا بوسانعان ايەلدە Covid-19 ۆيرۋسى بار ەكەنى بەلگىلى بولادى.
ناۋقاستا تىنىس جەتىسپەۋشىلىگىنىڭ 3-دارەجەسى، ايقىن ينتوكسيكاسيالىق سيندرومى، ءترومباسيتتىڭ تومەن بولۋى سىندى اسقىنۋلار بولعان. 1982 جىلعى ايەلگە دارىگەرلەر حاتتاما بويىنشا تولىق ەم كورسەتىپ، انتيكواگۋليانتتى جانە انتيباكتەريلدىق تەراپيا بويىنشا كومەك كورسەتەدى.
«ناۋقاستىڭ قازىرگى جاعدايى جاقسى. وزدىگىمەن تىنىس الۋدا. تىنىس الۋ جيىلىگى جاقسارعان. قانداعى وتتەگى مولشەرى 98 %-دى قۇرايدى. قايتا جاسالعان كومپيۋتەرلىك توموگرافيا قورىتىندىسى وكپە قابىنۋىنىڭ 30 %-عا ازايعانىن كورسەتتى»، - دەيدى قالالىق جۇقپالى اۋرۋلار ورتالىعىنىڭ اكۋشەرلىك بولىمىنە جاۋاپتى دارىگەر انەستەزيولوگ-رەانيماتولوگ ايجان بەيسەنگيروۆا.
قالالىق دەنساۋلىق ساقتاۋ باسقارماسىنىڭ ماماندارى بۇگىندە ازاماتشانىڭ دەنساۋلىعى جاقسارىپ، 29 جەلتوقسان كۇنى اۋرۋحانادان شىققانىن حابارلادى.
قوسىمشا سۇراقتار بويىنشا تەگىن 109 ءبىرىڭعاي بايلانىس نومىرىنە حابارلاسۋعا بولادى.
شىمكەنت قالاسى اكىمدىگىنىڭ باسپا ءسوز قىزمەتى
