شىمكەنتتەگٸ قايعىلى جاعدايدان كەيٸن بٸرنەشە شەنەۋنٸككە تەرتٸپتٸك جازا قولدانىلدى, دەپ حابارلايدى Dalanews.kz.
12 سەۋٸردە شىمكەنت قالاسىنىڭ قاراتاۋ اۋدانىنا قاراستى تۇران شاعىناۋدانىندا التى جاسار بالا سۋعا تولى شۇڭقىرعا قۇلاپ, كٶز جۇمدى. قايعىلى جاعداي №10 كٶشەدە بولعان.
وسىعان بايلانىستى قالا ەكٸمدٸگٸ بٸرقاتار لاۋازىمدى تۇلعاعا تەرتٸپتٸك شارالار قابىلدادى. شىمكەنت ەكٸمٸنٸڭ تۇرعىن ٷي-كوممۋنالدىق شارۋاشىلىعى مەن ينفراقۇرىلىم سالاسىنا جەتەكشٸلٸك ەتەتٸن ورىنباسارىنا سٶگٸس جارييالاندى. ال ەنەرگەتيكا جەنە ينفراقۇرىلىمدىق دامۋ باسقارماسىنىڭ باسشىسىنا قاتاڭ سٶگٸس بەرٸلدٸ. قاراتاۋ اۋدانىنىڭ ەكٸمٸ راحمانبەك مٷلكەمانوۆ قىزمەتٸنەن بوساتىلدى.
ەكٸمدٸك مەلٸمەتٸنشە, مٷلكەمانوۆتىڭ قىزمەتٸنەن كەتۋٸنە بۇعان دەيٸنگٸ جۇمىستا كەتكەن كەمشٸلٸكتەر مەن وسى قايعىلى وقيعا سەبەپ بولعان. بۇل جاعداي كادرلىق شەشٸم قابىلداۋداعى سوڭعى تٷرتكٸ بولدى دەپ كٶرسەتٸلگەن.
اباتتاندىرۋ مەن اۋماقتى كٷتٸپ-ۇستاۋعا جاۋاپتى مەردٸگەر ۇيىمداردىڭ باسشىلارىنا قاتىستى تەرگەۋ جٷرٸپ جاتىر. تەرگەۋ اياقتالعان سوڭ ٸس ماتەريالدارى سوتقا جولدانادى.
ايتا كەتەيٸك, 12 سەۋٸردە تۇران-1 شاعىناۋدانىندا بٸرٸنشٸ سىنىپ وقۋشىسى كەشكٸ ساعات 17:00 شاماسىندا سەرۋەنگە شىعىپ, ٷيٸنە ورالماعان. اتا-اناسى دەرەۋ ٸزدەۋ جۇمىستارىن باستاپ, بالانىڭ دەنەسٸ سول كٷنٸ ساعات 22:00 شاماسىندا تەرەڭدٸگٸ شامامەن ەكٸ مەتر بولاتىن سۋعا تولعان شۇڭقىردان تابىلعان.
قازٸرگٸ تاڭدا سوت-مەديتسينالىق ساراپتاما مەن تەكسەرٸس جٷرگٸزٸلٸپ جاتىر.
