ەنەرگەتيكا مينيسترٸ قانات بوزىمباەۆتىڭ شىمكەنتتەگٸ مۇناي ٶڭدەۋ زاۋىتىنا جاساعان ساپارى بارىسىندا قايتا جاڭعىرتۋدان ٶتٸپ جاتقان ٶندٸرٸس ورنىنىڭ احۋالى تۋرالى مەجٸلٸس ٶتتٸ. وعان مينيسترمەن قاتار وقو ەكٸمٸ, زاۋىت باسشىلىعى مەن جاڭعىرتۋ جۇمىستارىن جٷرگٸزۋشٸ «سرەسس» مەردٸگەر كومپانيياسىنىڭ ۆيتسە-پرەزيدەنتٸ جەنە تاعى دا باسقا سالا ماماندارى قاتىستى.
مەجٸلٸس بارىسىندا مەردٸگەر كومپانييا ٶكٸلٸ مۋ حۋادۋن جاڭعىرتۋ جۇمىستارىنا 4 مىڭ جۇمىسشى تارتىلعانىن مەلٸم ەتتٸ. بٸر قىزىعى, ونىڭ 3 مىڭى قىتايلىق ازاماتتار بولسا, 1 مىڭى عانا قازاقستاندىقتار ەكەن.
مۇنى ەستٸگەن وڭتٷستٸك قازاقستان وبلىسىنىڭ ەكٸمٸ بۇل تالاپقا ساي ەمەستٸگٸن ايتىپ, باسشىلىققا جەرگٸلٸكتٸ ازاماتتاردى جۇمىسقا تارتۋ قاجەتتٸگٸن ەسكەرتتٸ.
«شىمكەنتتەگٸ مۇناي ٶڭدەۋ زاۋىتى ەڭ ٸرٸ سالىق تٶلەۋشٸ ٶندٸرٸس ورنىنىڭ بٸرٸنە اينالىپ وتىر. مۇندا جەرگٸلٸكتٸ جۇمىسشىلاردىڭ ٷلەسٸ كٶبٸرەك بولۋى قاجەت. ول ٷشٸن وبلىس ورتالىعىنداعى كەسٸپتٸك تەحنيكالىق مامانداندىرىلعان كوللەدجدٸ ٶز قامقورلىقتارىڭىزعا الىپ, جۇمىس جاساعاندارىڭىز دۇرىس»,-دەدٸ تٷيمەباەۆ مىرزا.
ايتا كەتەرلٸگٸ, شىمكەنت مۇناي ٶڭدەۋ زاۋىتىنداعى جاڭعىرتۋ جۇمىستارى كەلەر جىلى اياقتالادى. ەنەرگەتيكا مينيسترٸنٸڭ سٶزٸنە سەنسەك, كەلەر جىلدان باستاپ ەلٸمٸزدە بەنزين تاپشىلىعى بولمايدى. سەبەبٸ شىمكەنتتەگٸ زاۋىتتى قوسقاندا اتىراۋ مەن پاۆلودارداعى ٶندٸرٸس ورىندارى جاڭعىرتۋ جۇمىستارىنان ٶتكەن سوڭ جانار-جاعارماي مەن ديزەل وتىن كٶپتەپ شىعارىلىپ, ەكسپورتتاۋعا دا مٷمكٸندٸك تۋماق.
دەرەككٶز: nur.kz
