شىمكەنتتە قىزدى ٶلتٸرۋ دەرەگٸ بويىنشا قوزعالعان قىلمىستىق ٸستٸ تەرگەۋ ٸشكٸ ٸستەر مينيسترلٸگٸنٸڭ باقىلاۋىندا, دەپ حابارلايدى Dalanews.kz.
شىمكەنت قالاسى پوليتسييا قىزمەتكەرلەرٸ تاراپىنان ۋاقتىلى شارالار قابىلدانباۋى مٷمكٸن دەگەن پٸكٸر مەن ۋەجدەر بويىنشا قىزمەتتٸك تەكسەرٸس تاعايىندالعان.
"قازٸر كٷدٸكتٸ سوت سانكتسيياسىمەن قاماۋعا الىندى. ەڭ تەجٸريبەلٸ قىزمەتكەرلەر قاتارىنان ارنايى تەرگەۋ جەدەل توبى قۇرىلدى. قىلمىستىق ٸس اياسىندا جٷرگٸزٸلٸپ جاتقان تەرگەۋ ەرەكەتتەرٸنٸڭ نەتيجەلەرٸ بويىنشا كٷدٸكتٸنٸڭ بارلىق ەرەكەتٸنە قۇقىقتىق باعا بەرٸلەدٸ", - دەدٸ ٸٸم ٶكٸلٸ.
تەرگەۋ جالعاسىپ جاتىر, ونىڭ بارىسىندا بارلىق تٷسكەن مەلٸمەت, سونىڭ ٸشٸندە بەينەباقىلاۋ كامەرالارىنان الىنعان جازبالار مۇقييات تەكسەرٸلٸپ, تالدانىپ جاتىر.
ەسكە سالايىق, بۇعان دەيٸن پوليتسييا قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا 21 جاستاعى جەرگٸلٸكتٸ تۇرعىندى ٶلتٸردٸ دەگەن كٷدٸكتٸ ەر ادامدى ۇستادى.
