شىمكەنت اكىمىن «نۇر وتان» پارتياسى قالالىق فيليالىنىڭ ءتوراعاسى سىناپ تاستادى

Dalanews 29 قىر. 2016 15:22 324

وڭتۇستىك قازاقستان وبلىستىق ءماسليحاتىنىڭ دەپۋتاتى ءومىرزاق مەلدەحانوۆ شىمكەنت قالاسىنىڭ اكىمى عابيدوللا ءابدىراحىموۆتىڭ جۇمىستارىن سىنعا الدى.

ول وبلىستىق ءماسليحاتتىڭ قۇرىلىس جانە كوممۋنالدىق سالانى دامىتۋ ءجونiندەگi تۇراقتى كوميسسياسىنىڭ وتىرىسىندا «بىزگە ارىز ءتۇسىپ جاتىر. تروتۋاردا ۆەلوسيپەد جۇرگىزۋگە بولا ما، بولماي ما؟ ويتكەنى ءبىراز ازاماتتار «قالادا ۆەلوجول سالىپ جاتقاندار ءبىز جاساعان جولاياق توسەنىشتەرىن الىپ تاستاپ، قايتادان باسقاسىن توسەۋدە. عيماراتتار مەن تروتۋارلاردىڭ اراسىندا بيىك بورديۋرلار قويۋدا. جاۋىن جاۋسا، جاڭبىر سۋى بورديۋرلاردان اسا الماي كولكىپ عيماراتتارعا ءقاۋىپ توندىرەدى عوي» دەپ شاعىم جازعان ەكەن. وسى ماسەلەنى كىم ءتۇسىندىرىپ بەرە الادى؟ نەگىزى ۆەلوجول قالاي سالىنۋى كەرەك؟ قانداي تالاپتار بار؟» دەپ سۇرادى.

بۇدان حابار جوق پا، ايتەۋىر وبلىستىق اكىمدىككە قاراستى مەملەكەتتىك ساۋلەت-قۇرىلىس باقىلاۋى، جولاۋشىلار كولىگى جانە اۆتوموبيل جولدارى، قۇرىلىس باسقارمالارىنىڭ باسشىلارى اتالعان ماسەلەنى انىقتاپ، جازباشا جاۋابىن بەرەمىز دەپ قۇتىلدى. دەگەنمەن، ولار تراتۋاردا ادامدارمەن بىرگە ۆەلوسيپەدپەن قاتىناۋعا بولمايتىنىن ايتتى.
dalanews-21– باۋىرجان مومىش ۇلى كوشەسىنىڭ بويىندا كەزىندە كاسىپكەرلەر عيماراتتارىنىڭ الدىنان وتەتىن تروتۋار بولىكتەرىنە وزدەرى توسەگەن پليتالاردىڭ بارلىعىن الىپ تاستاپ، قايتادان توسەنىش سالىپ جاتىر. ءبىراق، قۇجاتتارىن سۇراسا، ەشقانداي قۇجات كورسەتپەگەن. نە رۇقسات قاعازى، نە ءبىر نۇسقاۋى جوق. ەرتەڭ تاعى دا انانى الىپ تاستا، مىنانى الىپ تاستا دەپ باسقا تالاپ قويۋى مۇمكىن. يتاليادا اۆتوبۋستار جۇرەتىن جولدار ءبىر بولەك، تروتۋار ءبىر بولەك، ۆەلوجول ءبىر بولەك. رەسەيدە دە سونداي. قازاقستاندا قانداي سوندا؟ سوندا ءبىزدىڭ وبلىستا باقىلاۋ جوق پا، نە بۇل؟! الدە ءبىتىرىپ، ءبۇلدىرىپ بولعان سوڭ باقىلاۋ جاسالىنا ما؟ تروتۋاردا ۆەلوسيپەد جۇرگىزۋگە بولمايتىن بولسا، بىزدە باقىلاۋ دا، قاداعالاۋ دا جوق، قالاعان ادام قالاعان نارسەسىن جاساپ جاتىر ما؟ بۇرىنعى پليتا توسەنىشتەردى الىپ تاستاۋدىڭ نە قاجەتى بار؟ قازىرگىلەرىن ساپاسىنا قاراپ-اق بىلۋگە بولادى، ۇگىتىلىپ قالادى. نەگە ءبىزدىڭ قالادا ۇنەمى باقىلاۋسىز جاڭا قۇرىلىستار جۇرە بەرەدى؟ بيۋدجەتتەن قارجى قالاي ءبولىنىپ جاتقانىن ءبىر قۇداي بىلەدى... وعان تەندەر جاريالانعان با؟ قارجى كوپ بولسا، جۇمسايتىن قانشاما نىسان بار عوي، – دەدى «نۇر وتان» پارتياسىنىڭ شىمكەنت قالالىق فيليالىنىڭ ءتوراعاسى ءومىرزاق مەلەحانوۆ.

rgmedia.kz

ۇسىنىلعان
سوڭعى جاڭالىقتار