سىبايلاس جەمقورلىققا قارسى ٸس-قيمىل اگەنتتٸگٸ پرەۆەنتسييا قىزمەتٸنٸڭ باسشىسى سايان احمەتجانوۆ باق ٶكٸلدەرٸنە جاقىندا شىمكەنتتە بولعان جاعدايعا قاتىستى پٸكٸر بٸلدٸردٸ, دەپ حابارلايدى Dalanews.kz.
6 اقپاندا شىمكەنتتە ەكٸمنٸڭ قاتىسۋىمەن ٶتكەن جينالىستا تۇرعىن ٷي باسقارماسىنىڭ باسشىسى 120 ميلليون تەڭگە شىعىن كەلتٸردٸ دەگەن كٷدٸككە ٸلٸنٸپ, انتيكور قولىنا تٷسكەن بولاتىن. بۇل جاعداي ەلەۋمەتتٸك جەلٸدە كٶپشٸلٸكتٸڭ تالقىسىنا تٷستٸ. بٸرٸ ەكٸمنٸڭ بۇل ەرەكەتٸن جاقتاپ جاتسا, بٸرٸ داتتاپ جاتتى. تٸپتٸ مۇنى ارنايى قويىلىمعا تەڭەگەندەر دە تابىلدى.
وسى تۇستا مۇنىڭ دۇرىس نە بۇرىس ەكەنٸن ناقتىلاۋ ماقساتىندا جۋرناليستەر احمەتجانوۆتىڭ وسى جاعدايعا بايلانىستى پٸكٸر بٸلدٸرٸۋٸن سۇرادى. ول ٶز كەزەگٸندە انتيكور بارلىق جەردە اشىق ەرەكەت ەتەتٸنٸن العا تارتتى.
"بٸز جاعدايدى قاراپ شىقتىق. بۇعان بايلانىستى سىبايلاس جەمقورلىققا قارسى قىزمەت بٷكٸل جەردە اشىق ەرەكەت ەتەتٸنٸن ايتتىق. انتيكوردى (وقيعا ورنىنا) شاقىرعاندا جەرگٸلٸكتٸ اتقارۋشى ورگانمەن الدىن الا كەلٸسٸم بولادى. بۇل قالا ەكٸمٸنٸڭ باستاماسى بولۋى مٷمكٸن", - دەدٸ Cىبايلاس جەمقورلىققا قارسى قىزمەت پولكوۆنيگٸ.
ەسكە سالايىق, شىمكەنتتە شەنەۋنٸكتٸ انتيكور قىزمەتكەرلەرٸ جينالىس ٷستٸندە الىپ كەتكەن بولاتىن. بۇل تۋرالى قالا ەكٸمٸ عابيت سىزدىقبەكوۆ ٶزٸنٸڭ Instagram پاراقشاسىندا جارييالاعان. ۆيدەودا ول ەربٸر مەملەكەتتٸك قىزمەتشٸ ٶز قىزمەتٸندە الدىمەن حالىقتىڭ يگٸلٸگٸن ويلاپ, سوعان سٷيەنە شەشٸم قابىلداۋى كەرەك ەكەنٸن اتاپ ٶتەدٸ.
"ەكٸمدٸك قىزمەتكەرلەرٸنٸڭ اراسىندا ادال جۇمىس ٸستەيتٸندەر كٶپ, بٸراق ساتقىندار دا بار, مەن سٸزدەرگە تالاي رەت ەسكەرتتٸم", - دەگەن ەكٸم باسقا امالىنىڭ قالماعانىن ايتقان بولاتىن.
