شىعىس قازاقستان وبلىسىندا 240 مىڭعا جۋىق زەينەتكەر بار. بۇگىندە ولاردىڭ تەك 2-3% كومپيۋتەر مەڭگەرگەن جانە عالامتور جەلىسىن ەركىن پايدالانادى ەكەن. بۇل ماسەلە ايماق باسشىسىنىڭ قوعامدىق كەڭەس الدىندا ەسەپ بەرۋ كەزىندە تىلگە تيەك ەتىلدى. وبلىستىق ارداگەرلەر كەڭەسىنىڭ ءتوراعاسى جاستارى ەگدە تارتسا دا، قاريالاردىڭ جاڭا تەحنولوگيالاردى مەڭگەرۋگە دەگەن ىنتاسى زور ەكەنىن ايتادى. ماسەلەن، تەك كوممۋنالدىق قىزمەتتەر اقىسىن تولەۋ ءۇشىن ارى-بەرى قاتىناۋ زەينەتكەرلەرگە اسا قيىن. ال ۇيدەن شىقپاي-اق، ينتەرنەت ارقىلى تولەۋ ءىستى جەڭىلدەتپەك.
– كوممۋنالدىق قىزمەت اقىسىن تولەۋ ءۇشىن ارداگەرلەر بانككە «ءجۇز رەت» بارۋلارى ءتيىس. ءارى ابونەنتتىك بولىمشەلەر ءار باسقا جەردە ورنالاسقان. اۋا-رايىنىڭ قولايسىزدىعىنا قاراماستان دالاعا شىعۋعا، ءارى ءاربىر قىزمەت ءۇشىن كوميسسيالىق سىياقى تولەۋگە ءماجبۇر. سوندىقتان، ۇيدە وتىرىپ، كومپيۋتەر ارقىلى تولەم ەنگىزۋ ىڭعايلى عانا ەمەس، ۇنەمدى دە بولاق، – دەيدى ايتقازى شەرۋبايەۆ.
شقو اكىمى زەينەتكەرلەردىڭ باستاماسىن بىردەن قولدادى. سيفرلى تەحنولوگيالار عاسىرىندا بۇل باستاما قارتتارعا كەرەمەت كومەك ەكەنىن اتاپ ءوتتى. ەلباسى تاپسىرماسىنا ساي الداعى ەكى جىلدا، وبلىس اكىمىنىڭ ايتۋىنشا، ءوڭىردىڭ بارلىق اۋىلدارىنا جوعارى ساپالى عالامتور جەلىسى تارتىلادى.
– ۋاقىت تالابى ءموبيلدى بولۋىمىزدى قالايدى. قازىرگى تاڭدا كوپتەگەن ماسەلەلەردى سمارتفوندار، كومپيۋتەرلەردىڭ كومەگىمەن شەشۋگە بولادى. ءسىز جاقسى ماسەلە كوتەردىڭىز. ءسوزسىز ارداگەرلەردىڭ كومپيۋتەرلىك ساۋاتىن ارتتىرۋ، ۇيرەتۋ قاجەت. ۇسىنىس ەنگىزىڭىزدەر، ءبىز قارجىلاندىرۋ جاعىن قاراستىرامىز، – دەدى شقو اكىمى دانيال احمەتوۆ.
شقو اكىمىنىڭ باسپا ءسوز قىزمەتى
