شقو جەردىڭ پايدالانىلۋى مەن قورعالۋىن باقىلاۋ باسقارماسى باسشىسىنىڭ م.ا. مەيىرجان ءاشىمحانوۆتىڭ ايتۋىنشا، 88 تالاپ ارىزدىڭ 16-سى قاناعاتتاندىرىلىپ، 2 ءىس ءالى قاراۋدا جاتسا، كاسىپكەرلەر جىبەرىلگەن زاڭبۇزۋشىلىق ارەكەتتى جەدەل تۇزەتكەندىكتەن، 70 ارىزعا قاتىستى تەرگەۋ امالى توقتاتىلعان.
– مەملەكەتتەن 76 مىڭ گا جەردى جالعا الىپ، قولدانباعانى ءۇشىن «ءباتۋا»، «ءمانفاعات» جانە «ىرعىن» جشس-تەرىنەن 60 مىڭ گا جەر اۋماعى مەملەكەتتىڭ مەنشىگىنە قايتارىلدى، – دەدى مەيىرجان ءاشىمحانوۆ.
سونداي-اق، الاكول، سىبە كولدەرىنىڭ جاعالاۋىندا قولدانىلماعان 361 جەر تەلىمى انىقتالعان. ادىلەت ورگاندارى جاساعان ەسكەرتۋدەن كەيىن ءبىر جىل كولەمىندە جەر تەلىمى قولدانىلماسا، ونى مەملەكەتكە قايتارۋ بويىنشا شارا قولدانىلماق.
