شىعىسقازاقستاندىق عالىم سۋ تاسقىنىنىڭ الدىن الاتىن مونيتورينگتىك جەلى جوباسىن جاسادى، دەپ حابارلايدى Dalanews.kz Altainews-كە سىلتەمە جاساپ.
س.امانجولوۆ اتىنداعى شىعىس قازاقستان ۋنيۆەرسيتەتىنىڭ قاۋىمداستىرىلعان پروفەسسورى مارحابا كارمەنوۆا ءۇش مەتەوستانسياسى بار مونيتورينگتىك جەلى ازىرلەپ جاتىر. مۇنداي ونەرتابىس قازاقستاننىڭ اگروسەنوزدارىنىڭ سۋ رەجيمىن وبەكتيۆتى تالداۋعا جانە بولجاۋعا مۇمكىندىك بەرەدى. بۇل كەيىننەن ەلدەگى سۋ تاسقىنى جاعدايىنىڭ الدىن الۋعا جانە اۋىل شارۋاشىلىعى سالاسىنىڭ دامۋىنا وڭ اسەر بەرەدى.
«ءقازىر كوماندامىزبەن جاساندى ينتەللەكت پەن ساراپتامالىق دەرەكتەردىڭ ارتىقشىلىقتارىن پايدالانا وتىرىپ يننوۆاسيالىق جۇيە قۇرىپ جاتىرمىز. جاۋىن-شاشىن، تەمپەراتۋرا، توپىراق ىلعالدىلىعىنىڭ جانە اۋانىڭ ۋلترا سەزىمتال داچيكتەرىمەن جابدىقتالعان مەتەوستانسيالار مالىمەتتەردى جيناپ، ءبىزدىڭ سەرۆەرگە جىبەرەدى. الىنعان مالىمەتتەر نەگىزىندە جاساندى ينتەللەكت ىقتيمال سۋ تاسقىنىن، ونىمدىلىكتى بولجاي الادى نەمەسە بەلگىلى ءبىر ۋچاسكەدە ەگۋگە كەلەتىن داقىلدى انىقتاي الادى»، - دەيدى مارحابا احمەتوللا قىزى.
جاڭا جوبا عىلىم جانە جوعارى ءبىلىم مينيسترلىگى عىلىم كوميتەتىنىڭ 2024-2026 جىلدارعا ارنالعان عىلىمي جانە عىلىمي-تەحنيكالىق جوبالار بويىنشا گرانتتىق قارجىلاندىرۋعا ارنالعان بايقاۋدا ۇزدىك دەپ تانىلىپ، وزەكتىلىگىن دالەلدەدى.
شقۋ عىلىمي توبىنىڭ الداعى جۇمىستارى ءبىرىڭعاي دەرەكتەر بازاسىن قۇرۋعا جانە اۋىل شارۋاشىلىعىن جۇرگىزۋ ادىستەرى، سۋ رەسۋرستارىن باسقارۋ جانە كليماتتىڭ وزگەرۋى جاعدايىندا وسىمدىك شارۋاشىلىعىن بەيىمدەۋ ستراتەگيالارى بويىنشا پراكتيكالىق ۇسىنىمدار ازىرلەۋگە باعىتتالماق.
