شىعىس قازاقستان وبلىسىندا قالىپتاسقان سۋ باسۋ جاعدايىنا بايلانىستى ق ر ءىىم توتەنشە جاعدايلار كوميتەتىنىڭ ءتوراعاسى گەنەرال-مايور ۆ.بەككەردىڭ تاپسىرماسىنا سايكەس اۆاريالىق-قۇتقارۋ جانە باسقا كەزەك كۇتتىرمەيتىن جۇمىستاردى جەدەل جۇرگىزۋ ءۇشىن «وقو تجد جەدەل-قۇتقارۋ جاساعى (شىمكەنت ق.» مم-نىڭ جەكە قۇرامىندا 10 ادام جانە وقو تجد «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مم-نىڭ جەكە قۇرامىندا 16 ادام، 30 موتوپومپا 2018 جىلعى 25 ناۋرىزدا ساعات مەجەلى جەرگە شىمكەنت اۋەجايىنان ۇشتى.



[caption id="attachment_35002" align="alignleft" width="300"] توتەنشە جاعداي قىزمەتى[/caption]

وڭتۇستىك قازاقستان وبلىسى توتەنشە جاعدايلار دەپارتامەنتىنىڭ باستىعى ازاماتتىق قورعاۋ پولكوۆنيگى ن.دەربىسرۆ جەدەل توپتاردى قالىپتاستىرۋعا تىكەلەي باسشىلىق جاساپ، اۆاريالىق-قۇتقارۋ جۇمىستارىن جۇرگىزۋ كەزىندە قاۋىپسىزدىك تەحنيكاسىن ساقتاۋ بويىنشا ءاربىر قۇتقارۋشىمەن جەكە نۇسقاۋ وتكىزدى.

كۇننىڭ كۇرت جىلىنۋىنا جانە ەرىندى سۋلاردىڭ قالىپتاسۋىنا بايلانىستى گلۋبوكوۆسكوە اۋدانىندا ونشاقتى تۇرعىن ۇيلەر مەن اۋلا ۋچاسكەلەرىن سۋ باسقان. سونداي-اق، شەمونايحا اۋدانىندا ۋبا وزەنىندە مۇزدىڭ ەرتە جۇرۋىنە بايلانىستى كەپتەلىس پايدا بولدى.  اۋداندىق ازاماتتىق قورعاۋ قىزمەتىنىڭ بارلىق كۇش جانە قۇرالدارى كۇشەيتىلگەن رەجيمدە جۇمىس اتقارۋدا. شىعىس قازاقستان وبلىسىنىڭ وسى ەكى اۋدانىندا جەرگىلىكتى كولەمدەگى توتەنشە جاعداي جاريالانىپ قويعان.

ەلىمىزدىڭ شىعىس وڭىرىنە كومەك كورسەتۋ ءۇشىن جانە كوكتەمگى مەزگىلدەگى تج ءتيىمدى توتەپ بەرۋ ءۇشىن باسقا ايماقتاردان قوسىمشا كۇش جانە قۇرالداردى جۇمىلدىرۋ تۋرالى باسشىلىق تاراپىنان شەشىم قابىلدانعان.

ازاماتتىق قورعاۋ پودپولكوۆنيگى ن.تاۋكەيەۆتىڭ باسشىلىعىمەن وڭتۇستىك قازاقستان وبلىسىنان قالىپتاستىرىلعان قۇتقارۋشىلاردىڭ توپتارى وسكەمەن قالاسىنا جەتۋى ءتيىس. ماماندار ول جەردە اۆاريالىق-قۇتقارۋ جۇمىستارىن جۇرگىزۋ ءۇشىن بولىنەدى.

https://dalanews.kz/34981