شىعىس قازاقستان وبلىسىندا مورەنالىق كولدەرگە زەرتتەۋ جۇرگىزىلدى، دەپ حابارلايدى Dalanews.kz Bizdin oskemen-گە سىلتەمە جاساپ.
شىعىس قازاقستان وبلىسىنىڭ تاۋلى ايماقتارىندا 144 مورەنالىق كول بار. ونىڭ 30-ى ريددەر قالاسىنىڭ ماڭىنداعى گروموتۋحا وزەنى الابىندا ورنالاسقان.
"قازسەلدەنقورعاۋ" شق ءوپب قىزمەتكەرلەرى جەر بەدەرىنىڭ تىكتىگى مەن كۇردەلىلىگىنە بايلانىستى اربالى كولىكپەن 8 كولگە كوزبەن شولۋ، اسپاپتىق تەكسەرۋ جانە باتيمەتريالىق ولشەۋلەر جۇرگىزدى.
– زەرتتەۋ ناتيجەلەرى بويىنشا ءبىزدىڭ قىزمەتكەرلەر كولدەردەگى سۋ دەڭگەيى قالىپتى دەڭگەيدە ەكەنىن انىقتادى. ەروزيالىق ۇردىستەر مەن سىرعىما كورىنىستەرىنىڭ اعىن سۋلارعا اسەرى انىقتالمادى. سەل جاعدايى تۇراقتى. كولدەردەگى سۋ دەڭگەيىن تومەندەتۋ جانە بوساتۋ بويىنشا شۇعىل شارالار قاجەت ەمەس، - دەدى "قازسەلدەنقورعاۋ" فيليالىنىڭ باسشىسى سوۆەتبەك ستانبەكوۆ.
