بەلارۋس قازاقستان ءۇشىن ستراتەگيالىق سەرىكتەس ءارى وداقتاس. ماۋسىم ايىنىڭ سوڭىندا ۇكىمەت باسشىلارى ساۋدا-ەكونوميكالىق، اۋىل شارۋاشىلىعى، ەنەرگەتيكا، كولىك-لوگيستيكا، قۇرىلىس سالالارىنداعى ىنتىماقتاستىقتىڭ، ونەركاسىپتىك كووپەراسيا مەن ءبىلىم بەرۋدىڭ، سونداي-اق، وڭىرلىك ءوزارا ءىس-قيمىلدىڭ وزەكتى ماسەلەلەرىن تالقىلادى.
پاۆەل ءۋتيۋپيننىڭ شىعىس قازاقستان وبلىسىنا العاشقى ساپارى بارىسىندا سەمەي قالاسىنىڭ اكىمى باقىتجان بايحامەتوۆپەن كەزدەسىپ، ابايدىڭ تاريحي-مادەني مۇراجاي-قورىعىنا، "سەماز" ج ش س اۋىل شارۋاشىلىعى جانە جۇك تەحنيكاسىن وندىرۋگە مامانداندىرىلعان كاسىپورىنعا، "ۆوستوك-مولوكو" ج ش س ءسۇت وڭدەۋ كاسىپورنىنا، "بەلورۋسسكايا شينا" ج ش س باردى. سونىمەن قاتار، وڭىردەگى بەلورۋس دياسپوراسىمەن كەزدەسۋ وتكىزدى. وبلىس اكىمدىگىندە ءوڭىر باسشىلىعىمەن جانە اۋىل شارۋاشىلىعى، كاسىپكەرلىك ۆەدومستۆولارىنىڭ وكىلدەرىمەن كەلىسسوزدەر وتكىزدى. تالقىلاۋ بارىسىندا شقو اكىمىنىڭ ورىنباسارى ەرجان نۇربايەۆپەن ەكىجاقتى ىنتىماقتاستىقتىڭ كەڭ اۋقىمدى ماسەلەلەرى بويىنشا پىكىر الماستى.
بەلارۋس ديپلوماتى قازاقستاندىق تاراپپەن اۋىل شارۋاشىلىعى، اتاپ ايتقاندا، تراكتور، كومباين جاساۋ سالاسىندا تابىستى كەلىسىمدەر بار ەكەنىن اتاپ ءوتتى. تاراپتار تراكتورلارعا ارنالعان جەكەلەگەن توراپتار مەن اگرەگاتتاردى ءوندىرۋ ماسەلەسىن تالقىلادى. مينسك تراكتور زاۋىتى "سەماز" جشس-مەن بىرەسىپ، وسى باعىتتا جۇمىس ىستەۋگە جانە ءوندىرىستى وقشاۋلاۋدى ۇلعايتۋعا كومەكتەسۋگە دايىن. جالپى، شىعىس قازاقستان جانە بەلارۋس تاراپتارىنىڭ قازىرگى ۋاقىتتا قازاقستاندا وندىرىلمەيتىن قاجەتتى اۋىل شارۋاشىلىعى تەحنيكاسىن شىعارۋدى جولعا قويۋ بويىنشا ىلگەرلەۋشىلىك بار. سونىمەن قاتار، شىعىستا قولايلى وندىرىستىك الاڭدار دا جوق ەمەس.
ۇكىمەت باسشىلارى كەزدەسكەن كەزدە ق ر پرەمەر-مينيسترى اسقار ءماميننىڭ قازاقستانداعى ءسۇت-تاۋار فەرمالارىن سالۋ قاجەتتىلىگى تۋرالى ۇسىنىسى جەكە تاقىرىپ بولدى. سوندىقتان بەلارۋستىڭ توتەنشە جانە وكىلەتتى ەلشىسى پاۆەل ۋتيۋپين رەسپۋبليكادا ناقتى تاپسىرىس بەرۋشىنىڭ تەحنيكالىق تاپسىرىستارىنا سايكەس تولىق اياقتالعان ستف سالا الاتىن جوبالاۋ جانە قۇرىلىس ۇيىمدارى بار ەكەنىن حابارلادى. ەلشى شىعىس قازاقستان دەلەگاسياسىن وسى جوبا اياسىندا سالىنعان ءتۇرلى فەرمالاردى ءوز كوزىمەن كورۋ ءۇشىن بەلارۋسكە كەلۋگە شاقىردى. تاراپتار مەملەكەتتىك-جەكە مەنشىك ارىپتەستىك اياسىندا وسى باعىتتاعى ىنتىماقتاستىق مۇمكىندىگىن تالقىلادى.
ەرجان نۇربايەۆ ءوڭىردىڭ كۇنباعىس تۇقىمىن ءوندىرۋ بويىنشا، ءسۇت ءوندىرۋ بويىنشا ءبىرىنشى ورىندا، ەت ءوندىرۋ بويىنشا ەكىنشى ورىندا، سونداي-اق، مال شارۋاشىلىعى ونىمدەرى بويىنشا كوشباسشىلار قاتارىندا ەكەنىن اتاپ ءوتتى. سوندىقتان بىرلەسكەن جوبالارعا قاتىسۋدىڭ ەرەكشە ءمانى بار.
بەلارۋس ەلشىسى پاۆەل ۋتيۋپين مينسك اۆتوموبيل زاۋىتى توتەنشە جاعدايلار دەپارتامەنتتەرىن قايتا جاراقتاندىرۋعا ارنالعان زاماناۋي ءورت ءسوندىرۋ تەحنيكاسىن جەتكىزۋ ماسەلەسى بويىنشا قازاقستانمەن بەلسەندى ىنتىماقتاستىقتا ەكەنىن جەتكىزدى. وسىعان بايلانىستى كاسىپورىن شىعىس قازاقستاندا ءورت تەحنيكاسىن پايدالانۋ مۇمكىندىكتەرىن قاراستىرۋ ءۇشىن كوممەرسيالىق ۇسىنىس دايىندادى. بەلارۋس رەسپۋبليكاسىنىڭ توتەنشە جانە وكىلەتتى ەلشىسى وسى باعىتتا وڭىرمەن ىنتىماقتاستىققا ءۇمىت ءبىلدىردى.
سونىمەن قاتار، تاراپتار اعاش وڭدەۋ ءوندىرىسى، تۋريزم سالاسىنداعى ءوزارا ءىس-قيمىلدى تالقىلادى. ديپلوماتتار شىعىس قازاقستان، موگيليەۆ جانە برەست وبلىستارى اراسىنداعى ىنتىماقتاستىق بويىنشا جول كارتاسىن جاساۋعا كەلىستى. سونىمەن قاتار، بەلارۋس ەلشىسى وسىمدىك شارۋاشىلىعى، مال شارۋاشىلىعى، ۆەتەريناريا سۋبەكتىلەرى بويىنشا ءوزارا تۇسىنىستىككە قول جەتكىزۋ ءۇشىن قازاقستاندا جىل سايىنعى "بەلاگرو" حالىقارالىق اۋىل شارۋاشىلىعى كورمەسىن وتكىزۋدى ۇسىندى. كەزدەسۋ سوڭىندا تاراپتار ءوزارا تىعىز قارىم-قاتىناستاردىڭ ودان ءارى دامۋىنا، ءوزارا ءتيىمدى جاڭا جوبالاردىڭ ىسكە اسىرىلۋىنا سەنىم ءبىلدىردى.
