ۇيىمداستىرۋشىلار «Social Impact Award» حالىقارالىق باعدارلاماسىن ۇسىنىپ، الەۋمەتتىك كاسىپورىندار قۇرۋ مۇمكىندىكتەرىمەن ءبولىستى.
باعدارلامانى قازاقستاندا 2018 جىلدىڭ ناۋرىز ايىنان بەرى «شيەۆرون» كومپانياسىمەن سەرىكتەستىكتە Impact Hub Almaty ۇيىمى جۇزەگە اسىرۋدا.
«شيەۆرون» كومپانياسى وكىلى اينۇر سىدىقوۆانىڭ ايتۋىنشا، «ءبىزدىڭ كومپانيامىز بىرنەشە جىلدار بويى جاستاردىڭ الەۋمەتتىك ماسەلەلەردى شەشۋگە باعىتتالعان كاسىپكەرلىك باستامالارىن قولداپ كەلەدى، سەبەبى ءبىز جاستاردىڭ ءبىزدىڭ ەلىمىزدى دامىتۋعا الەۋەتى مول ەكەنىنە سەنەمىز”.
قازاقستانداعى باعدارلاما 18 بەن 30 جاس ارالىعىنداعى الماتى جانە استانا قالالار جاستارىنا الەۋمەتتىك كاسىپكەرلىك تۋرالى بىلىمگە قول جەتكىزۋىنە جەتەكشىلىك ەتىپ، جانە باستاپقى كاپيتال مەن Social Impact Award حالىقارالىق قوعامداستىعىنا كىرۋ ارقىلى الەۋمەتتىك كاسىپكەرلىكتى باستاۋعا كومەكتەسىپ، كاسىپكەرلىك ماشىعىنا ۇيرەتەدى.
ەڭ ۇزدىك ءتورت جوبا جالپى سوماسى 2 000 000 تەڭگە كولەمىندەگى گرانتقا جانە كەيىن ءوز جوبالارىن ورلەتۋگە، سونىمەن قاتار ونى قازاقستان اتىنان 2019 جىلدىڭ قاراشا ايىندا كييەۆ قالاسىندا (ۋكراينا) وتەتىن Social Impact Award جاھاندىق سامميتىندە ۇسىنۋ مۇمكىندىگىنە يە بولادى.
باعدارلامانىڭ قازاقستاندا جۇزەگە اسىرىلۋىنىڭ ءبىرىنشى جىلىندا (2018 ج.) استانا جانە الماتى قالالارىندا 15 الەۋمەتتىك كاسىپكەرلىك جوبا ينكۋباسيادان وتۋگە مۇمكىنشىلىك الدى، ونىڭ تورتەۋى جەڭىمپاز اتانىپ، ءوز جوبالارىن حالىقارالىق دەڭگەيدە تبيليسي ق.، گرۋزيادا ۇسىندى.
باعدارلامانىڭ 2018 جىلعى جەڭىمپازدارىنىڭ ءبىرى مەرۋەرت سەيدۋمانوۆا ءوز پىكىرىمەن ءبولىستى:
«SIA ماعان ەستەن كەتپەس ءارى كەرەمەت تاجىريبە بەردى. مەن الەۋمەتتىك كاسىپكەرلىك جايلى تەرەڭ تۇسىنىك قالىپتاستىردىم جانە ونى قايتا باعالادىم. الەۋمەتتىك كاسىپكەرلىك دەگەندە ءبىز قايىرىمدىلىق پەن قارجى ءبولۋدى ەمەس، وزىڭە جانە قوعامعا تابىس اكەلۋدى ەسكەرۋىمىز كەرەك.
مەن وزىمە الەۋمەتتىك كاسىپكەرلىكتىڭ جاڭا بيزنەس مودەلدەرىن اشتىم. مەن SIA قاتىسۋشىلارى مەن سەرىكتەستەرىنىڭ ىنتالارى، كۇش-قۋاتى مەن ۋاجدەمەلەرىنەن ۇلكەن شابىت الدىم. بولاشاعىمىز جەتىستىگى مول، تابىستى جانە قوعامعا جاعىمدى وزگەرىستەر اكەلەتىن الەۋمەتتىك كاسىپكەرلەر قولىندا بولۋ كەرەك. ”.
Social Impact Award ەۋروپاداعى الەۋمەتتىك كاسىپكەرلىك بويىنشا ەڭ ءىرى جاستار باعدارلاماسى. 2018 جىلدا باعدارلاما الەمنىڭ 20-دان استام ەلىندە 1000-نان استام توپتىڭ الەۋمەتتىك كاسىپكەرلىگىن دامىتتى.
2009 جىلدان بەرى باعدارلاماعا قاتىسۋشىلاردىڭ 60% Social Impact Award-تان 2 جىل وتكەن سوڭ الەۋمەتتىك كاسىپكەرلىگىن جالعاستىرىپ كەلەدى.
