Uiymdastyrýshylar «Social Impact Award» halyqaralyq baǵdarlamasyn usynyp, áleýmettik kásiporyndar qurý múmkindikterimen bólisti.
Baǵdarlamany Qazaqstanda 2018 jyldyń naýryz aiynan beri «Shevron» kompaniiasymen seriktestikte Impact Hub Almaty uiymy júzege asyrýda.
«Shevron» kompaniiasy ókili Ainur Sydyqovanyń aitýynsha, «bizdiń kompaniiamyz birneshe jyldar boiy jastardyń áleýmettik máselelerdi sheshýge baǵyttalǵan kásipkerlik bastamalaryn qoldap keledi, sebebi biz jastardyń bizdiń elimizdi damytýǵa áleýeti mol ekenine senemiz”.
Qazaqstandaǵy baǵdarlama 18 ben 30 jas aralyǵyndaǵy Almaty jáne Astana qalalar jastaryna áleýmettik kásipkerlik týraly bilimge qol jetkizýine jetekshilik etip, jáne bastapqy kapital men Social Impact Award halyqaralyq qoǵamdastyǵyna kirý arqyly áleýmettik kásipkerlikti bastaýǵa kómektesip, kásipkerlik mashyǵyna úiretedi.
Eń úzdik tórt joba jalpy somasy 2 000 000 teńge kólemindegi grantqa jáne keiin óz jobalaryn órletýge, sonymen qatar ony Qazaqstan atynan 2019 jyldyń qarasha aiynda Kiev qalasynda (Ýkraina) ótetin Social Impact Award jahandyq Sammitinde usyný múmkindigine ie bolady.
Baǵdarlamanyń Qazaqstanda júzege asyrylýynyń birinshi jylynda (2018 j.) Astana jáne Almaty qalalarynda 15 áleýmettik kásipkerlik joba inkýbatsiiadan ótýge múmkinshilik aldy, onyń tórteýi jeńimpaz atanyp, óz jobalaryn halyqaralyq deńgeide Tbilisi q., Grýziiada usyndy.
Baǵdarlamanyń 2018 jylǵy jeńimpazdarynyń biri Merýert Seidýmanova óz pikirimen bólisti:
«SIA maǵan esten ketpes ári keremet tájiribe berdi. Men áleýmettik kásipkerlik jaily tereń túsinik qalyptastyrdym jáne ony qaita baǵaladym. Áleýmettik kásipkerlik degende biz qaiyrymdylyq pen qarjy bólýdi emes, ózińe jáne qoǵamǵa tabys ákelýdi eskerýimiz kerek.
Men ózime áleýmettik kásipkerliktiń jańa biznes modelderin ashtym. Men SIA qatysýshylary men seriktesteriniń yntalary, kúsh-qýaty men ýájdemelerinen úlken shabyt aldym. Bolashaǵymyz jetistigi mol, tabysty jáne qoǵamǵa jaǵymdy ózgerister ákeletin áleýmettik kásipkerler qolynda bolý kerek. ”.
Social Impact Award Eýropadaǵy áleýmettik kásipkerlik boiynsha eń iri jastar baǵdarlamasy. 2018 jylda baǵdarlama álemniń 20-dan astam elinde 1000-nan astam toptyń áleýmettik kásipkerligin damytty.
2009 jyldan beri baǵdarlamaǵa qatysýshylardyń 60% Social Impact Award-tan 2 jyl ótken soń áleýmettik kásipkerligin jalǵastyryp keledi.
