جىل سوڭىندا 35 جاستاعى قازاقستاندىق كەسٸپكەر شاحمۇرات مٷتەلٸپ ەكٸ رەت شەتەلدٸك ٸرٸ باسىلىمداردىڭ نازارىنا ٸلٸندٸ. شەتەلدٸك باسىلىمداردا ول «اسا تانىمال ەمەس كەسٸپكەر» دەپ سيپاتتالعان. ەلەمدٸك اۋقىمدا بۇل انىقتاما ورىندى كٶرٸنۋٸ مٷمكٸن, الايدا قازاقستان ٸشٸندە ولاي دەۋ قيىن. سەبەبٸ 2021 جىلدان بەرٸ ول - مەملەكەتتٸك تاپسىرىس اياسىندا ٸرٸ ينفراقۇرىلىمدىق جوبالاردى جٷزەگە اسىرىپ جٷرگەن, Forbes.kz نۇسقاسى بويىنشا ەلٸمٸزدەگٸ ەڭ ٸرٸ جەكە كومپانييالاردىڭ قاتارىنا كٸرەتٸن Integra Construction KZ كومپانيياسىنىڭ يەسٸ. وسى شولۋدا بٸز شاحمۇرات مٷتەلٸپتٸڭ قانداي اكتيۆتەرگە يە ەكەنٸن, ونىڭ كومپانييالارىندا قانشا قارجى اينالىپ جاتقانىن جەنە ونى شوديەۆتەر ەۋلەتٸمەن نە بايلانىستىراتىنىن قاراستىرامىز, دەپ حابارلايدى Dalanews.kz "Shishkin_like"-قا سٸلتەمە جاساپ.
الدىمەن Bloomberg اگەنتتٸگٸ ونىڭ «قازتسينك» تاۋ-كەن مەتاللۋرگييا كەسٸپورنىنداعى باقىلاۋ پاكەتٸن ساتىپ الۋدى جوسپارلاپ وتىرعانىن حابارلادى. باق مەلٸمەتٸنشە, كەسٸپكەر بۇل ٷلەس ٷشٸن شامامەن 3,5 ملرد دوللار ۇسىنعان.
كەيٸن Financial Times باسىلىمى مٷتەلٸپتٸڭ تاعى بٸر ٸرٸ ٶنەركەسٸپ الىبى – Eurasian Resources Group (ERG) كومپانيياسىنىڭ 40 پايىز ٷلەسٸن ساتىپ الۋعا نيەتتٸ ەكەنٸن جازدى. باسىلىم دەرەگٸنە سەيكەس, ول ERG-دٸڭ نەگٸزٸن قالاۋشىلاردىڭ بٸرٸ پاتوح شوديەۆپەن جەنە مارقۇم الەكساندر ماشكەۆيچتٸڭ مۇراگەرلەرٸمەن ولاردىڭ جيىنتىق ٷلەسٸن 1,4 ملرد دوللارعا ساتىپ الۋ جٶنٸندە ۋاعدالاسقان. وسىلايشا شاحمۇرات مٷتەلٸپ بۇل اكتيۆتەرگە تالاسىپ وتىرعان تاعى بٸر ٷمٸتكەر – شۋحرات يبراگيموۆپەن بەسەكەگە تٷسكەن. ايتا كەتەيٸك, ليۋكسەمبۋرگتە تٸركەلگەن ERG كومپانيياسىنىڭ 60 پايىزى شوديەۆتەر, ماشكەۆيچتەر جەنە يبراگيموۆتار ەۋلەتٸنە تيەسٸلٸ بولسا, قالعان 40 پايىزى قازاقستان ٷكٸمەتٸنٸڭ مەنشٸگٸندە.
نەگٸزگٸ اكتيۆ – Integra Construction KZ
بيزنەس-تٸزٸلٸم دەرەكتەرٸنە سەيكەس, كەسٸپورىن 1997 جىلى قۇرىلعان. العاشىندا ول «قازاقستان تەمٸر جولى» ۇك اق-نىڭ ەنشٸلەس ۇيىمى بولىپ, «جول جٶندەۋشٸ» اتاۋىمەن ەلدەگٸ ەڭ ٸرٸ تەمٸرجول سالۋشى كومپانييا سانالعان. 2005 جىلى جەكەشەلەندٸرٸلٸپ, العاشقى جەكە قۇرىلتايشىسى «رەمجولسەرۆيس» جشس بولدى. بۇل كومپانييا بٸر كەزدەرٸ ERG قۇرىلىمىنا كٸرگەن, كەيٸن «قازتسينككە» ٶتكەن «جەيرەم كبك»-مەن اففيليرلەنگەن.
وسى كەزەڭدە كومپانييا تاريحىندا پاتوح شوديەۆتٸڭ جيەنٸ وريفدجان شاديەۆتٸڭ اتى اتالا باستايدى. الدىمەن ول «جەيرەم كبك»-مەن بايلانىسى بار تۇلعا رەتٸندە, كەيٸن Integra Construction KZ-تٸڭ باسشىسى ەرٸ يەسٸ رەتٸندە تانىلدى. وريفدجان شاديەۆ كومپانييانى 2008–2012 جىلدارى باسقاردى, ال 2013–2021 جىلدارى ونىڭ بەنەفيتسيارلارىنىڭ بٸرٸ بولدى. ونىڭ تۋعان ٸنٸسٸ بوبۋر شاديەۆ 2020 جىلى كومپانييانىڭ بايقاۋ كەڭەسٸنٸڭ مٷشەسٸ بولعان.
شاحمۇرات مٷتەلٸپ باستاپقىدا شاديەۆتٸڭ جالدامالى قىزمەتكەرٸ رەتٸندە جۇمىس ٸستەگەن. 2020 جىلى ول Integra Construction KZ-تٸ باسقاردى, توعىز ايدان كەيٸن كومپانييانىڭ جالعىز مەنشٸك يەسٸنە اينالدى. قازٸر كەسٸپكەر اكتيۆكە جەكە ٶزٸ جەنە احقو-دا تٸركەلگەن Management&Construction Ltd. جەكە كومپانيياسى ارقىلى يەلٸك ەتەدٸ.
2015 جىلدان بەرٸ Integra Construction KZ بيۋدجەتكە 70 ملرد تەڭگەدەن استام سالىق تٶلەگەن. ال رەكوردتىق تٶلەمدەر بيىل تٸركەلٸپ وتىر – 21 ملرد تەڭگە. كومپانييانىڭ قازاقستاننىڭ ەر ٶڭٸرٸندە ورنالاسقان توعىز فيليالى سوڭعى 12 ايدا بيۋدجەتكە تاعى 4 ملرد تەڭگەدەن استام قارجى اۋدارعان.
Adata.kz دەرەكتەرٸنە سٷيەنسەك, كومپانييانىڭ يەلٸگٸندە ەل اۋماعىندا جٷزدەگەن جەر تەلٸمٸ مەن جىلجىمايتىن مٷلٸك بار. ولاردىڭ بٸر بٶلٸگٸ قۇرىلىس سالاسىنا عانا ەمەس, پايدالى قازبالاردى ٶندٸرۋگە دە قاتىستى.
بيىل التى جىلدىق ٷزٸلٸستەن كەيٸن Integra Construction KZ Forbes.kz جارييالاعان قازاقستانداعى ەڭ ٸرٸ جەكە كومپانييالار رەيتينگٸنە قايتا ەندٸ. باسىلىم مەلٸمەتٸنشە, كومپانييانىڭ 2024 جىلعى تابىسى 418,8 ملرد تەڭگەنٸ, ال تازا پايداسى 35,43 ملرد تەڭگەنٸ قۇراعان.
كومپانييانىڭ قارجىلىق جاعدايى, نەگٸزٸنەن, مەملەكەتتٸك ساتىپ الۋلار جٷيەسٸندەگٸ بەلسەندٸ قاتىسۋىمەن بايلانىستى. Adata.kz دەرەكتەرٸنە سەيكەس, تەك 2024–2025 جىلدارى عانا Integra Construction KZ 2,8 ترلن تەڭگەگە كەلٸسٸمشارت جاساعان. ال مەملەكەتتٸك ورگاندارمەن جاسالعان بارلىق شارتتاردىڭ جيىنتىق سوماسى 4 ترلن تەڭگەگە جۋىقتايدى.
كومپانييانىڭ ەڭ ٸرٸ تاپسىرىس بەرۋشٸسٸ – «قازاقستان تەمٸر جولى» ۇك اق-نىڭ «ٸرٸ جوبالاردى ٸسكە اسىرۋ ديرەكتسيياسى» فيليالى. بۇل قۇرىلىم Integra-عا جالپى سوماسى 3 ترلن تەڭگەگە جۋىق قاراجات اۋدارعان. اتاپ ايتقاندا, كومپانييا داربازا – ٶزبەكستان شەكاراسى تەمٸرجول جەلٸسٸن, دوستىق – الاشانكوۋ ارالىعىنداعى ەكٸنشٸ جولداردى, سونداي-اق دوستىق – اقتوعاي – مويىنتى – جارىق – جەزقازعان – سەكسەۋٸل – قاندىاعاش – اقتٶبە – يلەتسك باعىتىنداعى ٸرٸ تەمٸرجول دەلٸزٸن جاڭعىرتۋ جوبالارىن جٷزەگە اسىرىپ جاتىر.
سونىمەن قاتار Integra Construction KZ الماتىداعى ينجەنەرلٸك جەلٸلەردٸ دامىتۋ, پاۆلودار وبلىسىنداعى «قوساق» ٶتكٸزۋ بەكەتٸن قايتا جاڭعىرتۋ, مويىنتى – قىزىلجار تەمٸرجول جەلٸسٸن سالۋ سەكٸلدٸ بٸرقاتار اۋقىمدى جوبالارعا قاتىسۋدا.
كومپانييا «جايلى مەكتەپ» ۇلتتىق جوباسىنىڭ دا مەردٸگەرٸ. بۇعان قوسا, جاقىندا شاحمۇرات مٷتەلٸپ ٶز قاراجاتىنا باعاناشىلداعى بالالار ٷيٸن جٶندەۋگە 5 ملرد تەڭگە جۇمسايتىنىن مەلٸمدەدٸ.
باسقا اكتيۆتەر مەن قوعامدىق قىزمەت
Integra Construction KZ-پەن سالىستىرارلىق ٶزگە ٸرٸ اكتيۆتەرٸ بولماسا دا, شاحمۇرات مٷتەلٸپ بٸرنەشە كومپانييانىڭ قۇرىلتايشىسى رەتٸندە تٸركەلگەن. ولاردىڭ قاتارىندا قۇرىلىس سالاسىنداعى Kazakh Construction Group, ەنەرگەتيكا جەنە گاز ساۋداسىنا قاتىستى جاڭا جەكە كومپانييالار بار.
سونىمەن بٸرگە كەسٸپكەر قوعامدىق سالادا دا بەلسەندٸ. 2024 جىلدان بەرٸ ول قازاقستان بوكس فەدەراتسيياسىنىڭ پرەزيدەنتٸ, ال 2025 جىلدىڭ سەۋٸرٸنەن باستاپ قر ۇلتتىق وليمپيادالىق كوميتەتٸ اتقارۋ كوميتەتٸنٸڭ حالىقارالىق ىنتىماقتاستىق جٶنٸندەگٸ ۆيتسە-پرەزيدەنتٸ قىزمەتٸن اتقارادى. 2025 جىلعى قازاندا مٷتەلٸپ «اتامەكەن» ۇكپ پرەزيديۋمى جانىنداعى قۇرىلىس جەنە تكش كوميتەتٸنٸڭ تٶراعاسى بولىپ سايلاندى.
شەتەلدٸك باق «اسا تانىمال ەمەس كەسٸپكەر» دەپ اتاعان شاحمۇرات مٷتەلٸپتٸڭ اقوردادا جيٸ قابىلدانۋى دا نازار اۋدارارلىق. مەملەكەت باسشىسى قاسىم-جومارت توقاەۆ ونى بيىل بٸرنەشە رەت – بوكس فەدەراتسيياسىنىڭ باسشىسى, Integra Construction KZ-تٸڭ بەنەفيتسيارى جەنە وتاندىق ٸرٸ بيزنەس ٶكٸلٸ رەتٸندە قابىلدادى.
