قازاقستاننىڭ جوعارعى سوتى شەشەن بەلسەندىسى مانسۋر موۆلايەۆتى رەسەيگە ەكستراديسيالاۋ تۋرالى شەشىمنىڭ ورىندالۋىن ۋاقىتشا توقتاتتى. بۇل تۋرالى ونىڭ ادۆوكاتى مۋرات ادام مالىمدەدى، دەپ حابارلايدى Dalanews.kz.
ادۆوكاتتىڭ ايتۋىنشا، ەكستراديسيا موۆلايەۆتىڭ وزىنە بوسقىن مارتەبەسىن بەرۋدەن باس تارتۋدى زاڭسىز دەپ تانۋ جونىندەگى تالابىن سوت قاراپ شىققانعا دەيىن توقتاتىلعان.
بۇعان دەيىن قازاقستان بيلىگى موۆلايەۆقا بوسقىن مارتەبەسىن بەرۋدەن باس تارتقان. وسىدان كەيىن باس پروكۋراتۋرا ونى رەسەيگە بەرۋ تۋرالى ەكستراديسيالىق سۇراۋدى قاناعاتتاندىرۋ جونىندە شەشىم قابىلداعان.
ايتا كەتەيىك، جۋىردا بۇۇ-نىڭ ادام قۇقىقتارى جونىندەگى كوميتەتى دە موۆلايەۆتىڭ شاعىمىن تىركەپ، قازاقستاندى ءىس ءمانى بويىنشا قارالعانعا دەيىن ونى رەسەيگە بەرمەۋگە شاقىرعان.
مانسۋر موۆلايەۆ 1995 جىلعى 12 جەلتوقساندا دۇنيەگە كەلگەن. ول ءوز ەلىندە وپپوزيسيالىق قوزعالىسقا قاتىسىپ، شەشەنستانداعى قۋعىن-سۇرگىن مەن ءىز-تۇزسىز جوعالعاندار تۋرالى مالىمەتتەر جيناعان. بۇعان دەيىن موۆلايەۆ ەسىرتكىگە بايلانىستى قولدان جاسالعان ءىس بويىنشا ەكى جىل تۇرمەدە وتىرعانىن مالىمدەگەن. كەيىن ول قىرعىزستانعا قاشىپ، سودان كەيىن قازاقستانعا وتكەن.
ادۆوكاتتارىنىڭ ايتۋىنشا، موۆلايەۆ شەشەنستان تۇرمەسىندە ازاپتالعان. وسىنى انىقتاۋ ءۇشىن ولار ىستامبۇل حاتتاماسىنا سايكەس، پسيحولوگ ماماندى تارتقان.
"2022 جىلى قورعاۋىمىزداعى ازاماتقا ازاپتاۋ قولدانىلعان. ارينە، بىزدە بۇل جاعدايدىڭ بولعانىن راستايتىن ناقتى دالەلدەر جوق. مانسۋر سولاي دەيدى – ءبىز، ادۆوكاتتار، وعان سەنەمىز. ءبىراق ليسەنزيالانعان پسيحولوگ مامان ونى قاراپ، بۇل جاعدايدىڭ شىن بولعان-بولماعانىن انىقتاپ كورسە دەيمىز. بۇل ازاپتاۋعا قاتىستى ادەتتەگى جۇمىس. مۇنداي دالەلدەرگە باعانى سوت بەرەدى. ءبىزدىڭ ماقسات – وسى زەرتتەۋدى الۋ. سەبەبى بۇل ماتەريالدى موۆلايەۆقا بوسقىن مارتەبەسىن بەرۋ تۋرالى شەشىم قابىلداناتىن كوميسسيادا جانە حالىقارالىق ورگاندارعا جۇگىنۋدە پايدالانعىمىز كەلەدى"، – دەدى ادۆوكات رەنا كەريموۆا.
الايدا مامانعا الماتى ۋاقىتشا ۇستاۋ يزولياتورىندا موۆلايەۆپەن كەزدەسۋ مۇمكىندىگى بەرىلمەگەن.
