اپەللياسيالىق سوت شەرزاتتىڭ اكەسىنە قاتىستى ۇكىمدى وزگەرىسسىز قالدىردى، - دەپ حابارلايدى Dalanews.kz. 

قارجاۋباي نۇرىموۆتىڭ ادۆوكاتتارى شاعىمءتۇسىرىپ، جەڭىلدەتەتىن فاكتورلاردى ەسكەرۋدىسۇراعان.

"نۇرىموۆ ق. - كامەلەتكە تولماعان 4 بالانىڭ اكەسى، وتباسىنىڭ جالعىز اسىراۋشىسى، ۇيدە قارت اتا-اناسى، جۇبايى، كامەلەتكە تولماعان بالالارى قالدى"، - دەپ جازىلعان ادۆوكاتتاردىڭ شاعىمىندا.

ولار سوت شەشىمىنىڭ كۇشىن جويۋدى تالاپ ەتتى.

ەسكە سالايىق، شەرزات بولاتتىڭ اكەسى قارجاۋباي نۇرىموۆقا قاتىستى قىلمىستىق ءىس قوزعالعان بولاتىن.

پوليسيا مالىمەتىنشە، 10 جەلتوقساندا نۇرىموۆ بۇزاقىلىق جانە كولىك قۇرالدارىنىڭ قوزعالىسىنا كەدەرگى جاساۋ فاكتىسى بويىنشا ۇستالدى. ول قوعامدىق ورىندا جانە پوليسيا قىزمەتكەرلەرىنە قارسى دورەكى ءسوز سويلەدى، ولاردى پىشاقپەن قورقىتتى، سونىمەن قاتار باسقا بىرەۋدىڭ مۇلكىنە قاساقانا زاقىم كەلتىردى، اتاپ ايتقاندا، كولىكتى پىشاقپەن سىرىپ، دوڭگەلەكتى تەسىپ تاستاعان. 

ىس-ارەكەتكە توقتاماي، اينالاسىنداعىلارعا، ونىڭ ىشىندە كامەلەتكە تولماعاندارعا ءقاۋىپ توندىرە وتىرىپ، قوعامدىق ءتارتىپ پەن اينالاسىنداعىلاردىڭ تىنىشتىعىن بۇزدى. بۇزاقىلىق فاكتىسى بويىنشا سوت ونى 15 تاۋلىككە اكىمشىلىك قاماۋعا الۋدى تاعايىندادى.

سونىمەن قاتار، پوليسيا بوتەننىڭ مۇلكىن قاساقانا ءبۇلدىرۋ فاكتىسى بويىنشا قىلمىستىق ءىس تىركەدى.

10 جەلتوقساندا ەڭبەكشىقازاق اۋدانىنىڭ ازات اۋىلىندا ورىن العان قۇقىققا قارسى ءىس-قيمىل ناتيجەسىندە اۆتوكولىك يەسىنە ماتەريالدىق زالال كەلتىرىلگەنى انىقتالدى، بۇل اكىمشىلىك جاۋاپكەرشىلىك شەگىنەن ەداۋىر اسىپ، ىس-ارەكەتتىڭ قىلمىستىق سارالانۋىنا اكەپ سوعادى.

قازىرگى ۋاقىتتا وقيعانىڭ بارلىق ءمان-جايلارىن انىقتاۋ ماقساتىندا جان-جاقتى، تولىق جانە وبەكتيۆتى تەرگەۋ جۇرگىزىلۋدە.

سونىمەن قاتار،پوليسيا جازانىڭ بۇلتارتپاۋشىلىعى جانە زاڭ مەن ءتارتىپتى ساقتاۋ قاعيداتتارىن باسشىلىققا الا وتىرىپ، پوليسيا قۇقىق بۇزۋشىلىقتاردىڭ بارلىق فاكتىلەرىن، ولاردى كىم جاساعانىنا قاراماستان، ەلدەگى زاڭ مەن ءتارتىپتى قامتاماسىز ەتۋدىڭ نەگىزى بولىپ تابىلاتىن بەيتاراپ تەرگەۋگە مىندەتتى ەكەنىن اتاپ ءوتتى.