Apelliatsiialyq sot Sherzattyń ákesine qatysty úkimdi ózgerissiz qaldyrdy, - dep habarlaidy Dalanews.kz.
Qarjaýbai Nurymovtyń advokattary shaǵymtúsirip, jeńildetetin faktorlardy eskerýdisuraǵan.
"Nurymov Q. - kámeletke tolmaǵan 4 balanyń ákesi, otbasynyń jalǵyz asyraýshysy, úide qart ata-anasy, jubaiy, kámeletke tolmaǵan balalary qaldy", - dep jazylǵan advokattardyń shaǵymynda.
Olar sot sheshiminiń kúshin joiýdy talap etti.
Eske salaiyq, Sherzat Bolattyń ákesi Qarjaýbai Nurymovqa qatysty qylmystyq is qozǵalǵan bolatyn.
Politsiia málimetinshe, 10 jeltoqsanda Nurymov buzaqylyq jáne kólik quraldarynyń qozǵalysyna kedergi jasaý faktisi boiynsha ustaldy. Ol qoǵamdyq orynda jáne politsiia qyzmetkerlerine qarsy dóreki sóz sóiledi, olardy pyshaqpen qorqytty, sonymen qatar basqa bireýdiń múlkine qasaqana zaqym keltirdi, atap aitqanda, kólikti pyshaqpen syryp, dóńgelekti tesip tastaǵan.
Is-áreketke toqtamai, ainalasyndaǵylarǵa, onyń ishinde kámeletke tolmaǵandarǵa qaýip tóndire otyryp, qoǵamdyq tártip pen ainalasyndaǵylardyń tynyshtyǵyn buzdy. Buzaqylyq faktisi boiynsha sot ony 15 táýlikke ákimshilik qamaýǵa alýdy taǵaiyndady.
Sonymen qatar, politsiia bótenniń múlkin qasaqana búldirý faktisi boiynsha qylmystyq is tirkedi.
10 jeltoqsanda Eńbekshiqazaq aýdanynyń Azat aýylynda oryn alǵan quqyqqa qarsy is-qimyl nátijesinde avtokólik iesine materialdyq zalal keltirilgeni anyqtaldy, bul ákimshilik jaýapkershilik sheginen edáýir asyp, is-árekettiń qylmystyq saralanýyna ákep soǵady.
Qazirgi ýaqytta oqiǵanyń barlyq mán-jailaryn anyqtaý maqsatynda jan-jaqty, tolyq jáne obektivti tergeý júrgizilýde.
Sonymen qatar,politsiia jazanyń bultartpaýshylyǵy jáne Zań men tártipti saqtaý qaǵidattaryn basshylyqqa ala otyryp, politsiia quqyq buzýshylyqtardyń barlyq faktilerin, olardy kim jasaǵanyna qaramastan, eldegi zań men tártipti qamtamasyz etýdiń negizi bolyp tabylatyn beitarap tergeýge mindetti ekenin atap ótti.
