شەرزات پولاتتىڭ ٶلٸمٸنە قاتىستى ٸس بويىنشا قورعانۋعا قۇقىعى بار كۋە رەتٸندە تانىلعان ەلميرا نۇربەكوۆا ادۆوكات دجوحار ۋتەبەكوۆتٸڭ ٷستٸنەن شاعىم تٷسٸردٸ, دەپ حابارلايدى Dalanews.kz.
ادۆوكات دجوحار ۋتەبەكوۆتٸڭ ايتۋىنشا, ول شەرزات پولات ٸسٸ بويىنشا ٶتكٸر پٸكٸر بٸلدٸرٸپ جٷرگەنٸ ٷشٸن ٷستٸنەن شاعىم تٷسكەن. شاعىم الماتى قالالىق ادۆوكاتتار القاسىنا جولدانعان.
– مەن شاعىمنىڭ پوليتسييا قىزمەتكەرٸنٸڭ نۇسقاۋىمەن جازىلعانىن اڭعاردىم. سەبەبٸ مەتٸن پوليتسييا جارگونى مەن «ٶز قولىممەن جازىلدى» دەگەن سيياقتى قۇقىقتىق تەرميندەرگە تولى. ەڭ قىزىعى – نۇربەكوۆا حانىم پوليتسييانى, پروكۋراتۋرا مەن سوتتى قورعايدى. ول مەنٸ قۇقىق قورعاۋ ورگاندارىنا قىسىم كٶرسەتٸپ, جالعان اقپارات تاراتىپ جاتىر دەپ ەسەپتەيدٸ. بٸراق ونىڭ نە سەبەپتٸ سولاردىڭ ادۆوكاتىنا اينالعانى تٷسٸنٸكسٸز. مەنٸڭشە, ونى بۇل ٸسكە بٸرەۋلەر پايدالانىپ وتىر. ەيتپەسە, ٶز بەتٸمەن مۇنداي قادامعا بارا قوياتىن ادام ەمەس, – دەدٸ دجوحار ۋتەبەكوۆ «گيپەربورەي» YouTube ارناسىنا بەرگەن سۇحباتىندا.
ەلميرا نۇربەكوۆا بىلتىر تالعارداعى جاپپاي تٶبەلەس كەزٸندە قىلمىستىق ٸسكە قاتىسى بار دەگەن توعىز اداممەن بٸرگە وقيعا ورنىندا بولعان. كەيٸننەن كۋەگەر رەتٸندە تانىلىپ, جاۋاپ الىنعان. ول كەزدە ٶزٸن شوك جاعدايىندا بولعانىن ايتقان. الايدا سوتتا كٶرسەتٸلگەن بەينەجازبادا ونىڭ وقيعا تۋرالى كٷلٸپ ايتىپ وتىرعانى بايقالعان. وسىعان بايلانىستى پروكۋرور دانا سەرسەنباي سوتتان ەلميرا نۇربەكوۆا مەن تاعى بٸر كۋەگەر دانا جاقسىگەلدٸگە قاتىستى جەكە قاۋلى شىعارىپ, قوسىمشا تەرگەۋ جٷرگٸزۋدٸ سۇراعان.
5 ماۋسىم كٷنٸ ٷكٸم وقىعان سوت پروكۋروردىڭ بۇل ٶتٸنٸشٸن قاناعاتتاندىردى. ٸس بويىنشا باستى ايىپتالۋشى ابزال شىناسىل 23 جىلعا, راۆيل سەكيەۆ 20 جىلعا, ازامات توقتاۋباەۆ 15 جىلعا, نۇرقيياس ٸليياسوۆ 9 جىلعا باس بوستاندىعىنان ايىرىلدى. ال قالعان ايىپتالۋشىلار – شىڭعىس بەلعوجاەۆ, دارحان ەسكەنتاي, نۇربول توقتاۋباەۆ جەنە ديدار قالياحمەت 7 جىلعا سوتتالدى. كەمەلەتكە تولماعان دۋمان ىسقاققا 1,5 جىل جازا كەسٸلدٸ.
