شەرزات بولاتتىڭ تۋىستارى تۇراتىن ۇيدەگى ورتتەن كەيىن اكىمدىك باسپانا قالپىنا كەلتىرىلەدى دەپ ۋادە ەتكەن. الايدا ءقازىر ەڭبەكشىقازاق اۋدانىنىڭ اكىمدىگى بيۋدجەتتە مۇنداي شىعىن قاراستىرىلماعانىن مالىمدەپ وتىر، دەپ حابارلايدى Dalanews.kz.
«قازىرگى ۋاقىتتا اۋداندىق بيۋدجەتتە، وكىنىشكە قاراي، ورتتەن زارداپ شەككەن قارجاۋباي نۇرىموۆتىڭ ءۇيىن قالپىنا كەلتىرۋگە نەمەسە جاڭا باسپانا سالۋعا قاراجات قاراستىرىلماعان»، – دەپ جاۋاپ بەرگەن اكىمدىك "زا نامي ۆىەحالي" تەلەگرام ارناسىنا.
سوعان قاراماستان، اكىمدىكتەگىلەر دەمەۋشىلەردى تارتۋ جولدارىن قاراستىرىپ جاتقانىن ايتتى. ەگەر ونداي مۇمكىندىك تابىلىپ، «قاجەتتىلىك راستالسا»، بۇل ماسەلە قوسىمشا قاراستىرىلۋى مۇمكىن ەكەنىن جەتكىزدى.
بۇدان دا ماڭىزدى ءبىر جايت – ەڭبەكشىقازاق اۋدانىنىڭ اكىمدىگى مالىمەتىنشە، قارجاۋباي نۇرىموۆتىڭ وتباسى تاراپىنان رەسمي تۇردە ماتەريالدىق كومەك سۇراۋ، مۇلىكتى قالپىنا كەلتىرۋ نەمەسە تۇرعىن ۇيمەن قامتاماسىز ەتۋ تۋرالى ءوتىنىش تۇسپەگەن.
ەسكە سالايىق، بۇعان دەيىن تالعارداعى جاپپاي توبەلەس كەزىندە قازا تاپقان شەرزات بولاتتىڭ ءۇيىنىڭ ورتەنۋىنە بايلانىستى باس پروكۋراتۋرا مالىمدەمە جاساعان بولاتىن.
باس پروكۋراتۋرانىڭ باسپا ءسوز قىزمەتىنىڭ مالىمەتىنشە، تالعاردا ءجاسوسپىرىمدى ءولتىرۋ ءىسى بويىنشا جابىرلەنۋشىلەردىڭ ءۇيىن ورتەۋ فاكتىسىنە قاتىستى 2024 جىلعى 12 قازاندا باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى.
كىنالىلەردى اشكەرەلەۋ ءۇشىن بارلىق شارالار قابىلداناتىن بولادى. قىلمىستىق iس قازاقستان رەسپۋبليكاسى باس پروكۋرورىنىڭ باقىلاۋىنا الىندى.
ايتا كەتەيىك، 12 قازانعا قاراعان ءتۇنى تالعار تراگەدياسىندا قازا تاپقان شەرزات بولاتتىڭ ءۇيى ورتەنىپ كەتتى. بۇل تۋرالى الەۋمەتتىك جەلىدە حابارلانا باستادى.
زارداپ شەككەندەر مەن قازا تاپقاندار جوق. كۋاگەرلەردىڭ سوزىنشە، ءۇي تۇتاس ورتەنىپ كەتكەن.
بۇل دەرەككە پوليسيا دەپارتامەنتى جاۋاپ بەردى. 12 قازانعا قاراعان ءتۇنى ەڭبەكشىقازاق اۋدانى ازات اۋىلىنداعى ۇيلەردىڭ بىرىندە ءورت بولدى.
بوتەننىڭ مۇلكىن قاساقانا جويۋ دەرەگى بويىنشا پوليسيا قىلمىستىق ءىس قوزعادى.
