شەرزات بولاتتىڭ اكەسىنە قاتىستى تەرگەۋ باستالدى، دەپ حابارلايدى Dalanews.kz.
بۇل تۋرالى ولاردىڭ ادۆوكاتى اسقار قايماقوۆ حابارلادى. ونىڭ مالىمەتىنشە، پوليسيا قارجاۋباي نۇرىموۆقا قاتىستى قىلمىستىق كودەكستىڭ 202-بابى ("بوتەننىڭ مۇلكىن قاساقانا جويۋ نەمەسە ءبۇلدiرۋ") بويىنشا سوتقا دەيىنگى تەرگەۋ جۇرگىزۋدى باستاعان.
ودان بولەك، ادۆوكات تالعار ءىسى بويىنشا بىرنەشە مالىمدەمە جاسادى:
- ادۆوكاتتار پوليسيا ايتقانداي ءتارتىپ ساقشىلارىنان قارجاۋبايدى ۇستاۋدى سۇراماعان؛
- مارقۇم نۇرقاناتتىڭ تۋىستارى ونىڭ جەكە حات-حابارىن جاريالاۋعا كەلىسىم بەرمەگەن ەكەن.
اسقار قايماقوۆ قارجاۋباي نۇرىموۆتى 15 تاۋلىككە قاماۋ تۋرالى سوت شەشىمىن زاڭسىز دەپ سانايتىنىن اتاپ ءوتتى. ونىڭ پىكىرىنشە، سوت تاراپىنان ورەسكەل زاڭبۇزۋشىلىقتار بولعان. ولار اپەللياسيالىق تارتىپپەن شاعىمدانعان.
ەسكە سالايىق، كۇنى كەشە، 11 جەلتوقساندا شەرزات بولاتتىڭ اكەسى قاماۋعا الىنعانى بەلگىلى بولدى.
رەسمي دەرەك بويىنشا، ول قوعامدىق ورىندا بالاعات سوزدەر ايتقانى، قۇقىق قورعاۋ ورگاندارىنىڭ قىزمەتكەرلەرىن قورلاپ، سونداي-اق قوعامدىق ءتارتىپ پەن ازاماتتاردىڭ تىنىشتىعىن بۇزاتىن اينالاسىنداعىلارعا قۇرمەتسىزدىك تانىتاتىن ىس-ارەكەتتەر جاساعانى جانە كولىك قۇرالدارىنىڭ قوزعالىسى ءۇشىن كەدەرگىلەر جاساعانى ءۇشىن 15 تاۋلىككە اكىمشىلىك قاماۋعا الىندى.
ودان بولەك، شەرزاتتىڭ تاعى بىرنەشە تۋىسى قاماۋعا الىندى. ونىڭ ىشىندە:
ەڭبەكشىقازاق اۋداندىق سوتى اكىمشىلىك ءىس جۇرگىزۋ تارتىبىمەن ىستەردى قاراۋ ناتيجەلەرى بويىنشا سالتانات نۇرىموۆا ۇساق بۇزاقىلىق جاساعانى ءۇشىن (اقبتك 434-بابىنىڭ 1-بولىگى) 20 اەك مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى.
قازاقستاندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزعانى ءۇشىن (اقبتك 488- بابىنىڭ 8ء-بولىمى.) ازاماتتىعى جوق ادام جاساعان، ازاماتشا باقىت رەيموۆا اكىمشىلىك تارتىپپەن 15 تاۋلىككە قاماۋعا الىنىپ، كەيىننەن ق ر شەگىنەن شىعارىپ جىبەرىلدى.
