شەرزات بولاتتىڭ اكەسى قارجاۋباي نۇرىموۆ كامەلەتكە تولماعان كۇدىكتىگە كەشىرىم بەرگەنىن ايتتى، دەپ حابارلايدى Dalanews.kz.
بۇل تۋرالى ول جۋرناليست رۋسلان وتەپبايدىڭ Elmenbirge باعدارلاماسىندا مالىمدەدى.
"ول بالا جايىندا مەن باسىندا دا ايتقانمىن، ءقازىر دە ايتامىن: كامەلەتكە تولماعان بالانىڭ ومىرىنە بالتا شاپقىم كەلمەيدى"، دەدى نۇرىموۆ.
ءجۋرناليستتىڭ "سول جاسوسپىرىمگە كەشىرىم بەرۋىڭىز مۇمكىن بە؟" دەگەن سۇراعىنا شەرزاتتىڭ اكەسى:
"مەن ول بالاعا كەشىرىمدى سول كەزدە دە بەرگەنمىن، ءقازىر دە كەشىرىم بەرەمىن"، دەپ جاۋاپ بەردى.
ەسكە سالا كەتەيىك، 10 ساۋىردە تالدىقورعاندا شەرزات پولاتتىڭ ولىمىنە قاتىستى سوت پروسەسى باستالدى.
سوتتا پروكۋرور كۇدىكتىلەردىڭ ەسىمدەرىن اتادى:
شىناسىل ابزال نۇرعالي ۇلى
ساكييەۆ راۆيل ماگومەدوۆيچ
بەلعوجايەۆ شىڭعىس ايدوس ۇلى
ازكەنتاي دارحان بايىلحان ۇلى
توقتاۋبايەۆ نۇربول مۇراتبەك ۇلى
ءىلياسوۆ نۇرقياس تولەكبەك ۇلى
توقتاۋبايەۆ ازامات ماراتبەك ۇلى
قالياحمەت ديدار ەركىن ۇلى
ىسقاق دۋمان قايدار ۇلى
كەلەسى سوت وتىرىسى 17 ساۋىرگە جوسپارلانعان.
