قازاقستاندا ەكونوميكانى دەمونوپوليزاسيالاۋ جونىندەگى كوميسسيا قۇرامىنان ءبىرقاتار جوعارى لاۋازىمدى شەنەۋنىكتەر مەن كۇشتىك قۇرىلىم وكىلدەرى شىعارىلدى، دەپ حابارلايدى Dalanews.kz.
قازاقستان پرەمەر-مينيسترىنىڭ 2022 جىلعى 22 ناۋرىزداعى №57-ر قاۋلىسىنا كەلەسى وزگەرىس ەنگىزىلدى:
«ەكونوميكانى دەمونوپوليزاسيالاۋ جونىندەگى كوميسسيانى قۇرۋ تۋرالى» اتالعان قاۋلىعا سايكەس قۇرىلعان كوميسسيانىڭ قۇرامى جاڭا رەداكسيادا بەكىتىلسىن»، – دەلىنگەن ۇكىمەت باسشىسىنىڭ جاڭا وكىمىندە.
ەكونوميكانى دەمونوپوليزاسيالاۋ جونىندەگى جاڭارتىلعان كوميسسيا قۇرامى تومەندەگىدەي:
- پرەمەر-مينيستر — كوميسسيا ءتوراعاسى؛
- پرەمەر-مينيستردىڭ ءبىرىنشى ورىنباسارى — ءتوراعانىڭ ورىنباسارى؛
- ۆيسە-پرەمەر – ۇلتتىق ەكونوميكا ءمينيسترى؛
- قارجى ۆيسە-مينيسترى — حاتشى؛
- ادىلەت ءمينيسترى؛
- قارجى ءمينيسترى؛
- ەنەرگەتيكا ءمينيسترى؛
- كولىك ءمينيسترى؛
- يندۋستريا جانە قۇرىلىس ءمينيسترى؛
- سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى؛
- باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى (كەلىسىم بويىنشا)؛
- ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى (كەلىسىم بويىنشا)؛
- باس پروكۋروردىڭ ورىنباسارى (كەلىسىم بويىنشا)؛
- «سامۇرىق-قازىنا» ۇلتتىق ءال-اۋقات قورى» اق باسقارما ءتوراعاسى (كەلىسىم بويىنشا).
كوميسسيا قۇرامىنان شىعارىلعان لاۋازىمدى تۇلعالار:
- مادەنيەت جانە اقپارات ءمينيسترى؛
- سوت اكىمشىلىگىنىڭ باسشىسى (كەلىسىم بويىنشا)؛
- ۇلتتىق بانك ءتوراعاسىنىڭ ورىنباسارى (كەلىسىم بويىنشا)؛
- قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى (كەلىسىم بويىنشا)؛
- سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى (كەلىسىم بويىنشا)؛
- قارجى مونيتورينگى اگەنتتىگى ءتوراعاسىنىڭ ورىنباسارى (كەلىسىم بويىنشا)؛
- ۇلتتىق قاۋىپسىزدىك كوميتەتى ءتوراعاسىنىڭ ورىنباسارى (كەلىسىم بويىنشا).
