جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى گۇلايىم راحمونوۆا قاتىسقان جول-كولىك وقيعاسىنا قاتىستى ءىستى قاراۋ كۇنىن بەلگىلەدى، دەپ حابارلايدى Dalanews.kz.
تانىمال قازاقستاندىق فايتەر شاۆكات راحمونوۆتىڭ جۇبايىنا قاتىستى قىلمىستىق ءىس سوتقا جولداندى.
"ق ر قىلمىستىق كودەكسىنىڭ 345-بابى 4-بولىگى بويىنشا ايىپتالعان راحمونوۆا گۇلايىم سارسەنبەكقىزىنا قاتىستى قىلمىستىق ءىس جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ وندىرىسىنە قابىلدانسىن. ءىس بويىنشا الدىن الا تىڭداۋ 2026 جىلعى 16 اقپاندا ساعات 15:00-دە وسى سوت عيماراتىندا وتەدى"، – دەپ جازىلعان سوت حابارلاماسىندا.
سوت پروسەسى قازاق تىلىندە جۇرگىزىلەتىنى ايتىلدى.
