iX Islamic SPC Limited نوتالارىنىڭ ەميتەنتى – شاريعات نورمالارىنا سايكەس ينۆەستيسيالاۋدى جۇزەگە اسىراتىن ISDW اكسيالارى جالعىز اكتيۆى بولىپ تابىلاتىن ارنايى ماقساتتاعى كومپانيا («SPC»).
AIX باسقارماسىنىڭ ءتوراعاسى رەنات بەكتۇروۆ بىلاي دەپ مالىمدەدى:
«ءبىز شاريعات تالاپتارى مەن قۇندىلىقتارىنا سايكەس كەلەتىن ينۆەستيسيالىق ماقساتتارعا جەتۋدىڭ جاڭا قاراپايىم جانە قىمبات ەمەس ءتاسىلىن ۇسىنامىز. ISDW – بۇل قۇرامىنا ينۆەستيسيالاۋدىڭ يسلامدىق قاعيداتتارىن ۇستاناتىن، ارزان جانە ساپالى اكتيۆتەردىڭ وڭتايلى تەڭگەرىمىن قامتاماسىز ەتە الاتىن ءارى ينۆەستيسيالاردى اناعۇرلىم ءتيىمدى ءارتاراپتاندىرۋعا ىقپال ەتە الاتىن كومپانيالار كىرەتىن پورتفەل».
احقو اكىمشىلىگى باسقارماسىنىڭ ءتوراعاسى ەرنۇر رىسماعامبەتوۆ مىنانى اتاپ ءوتتى:
«بۇل ليستينگ قازاقستاندا جانە وڭىردە يسلامدىق قارجىلاندىرۋ سالاسىنداعى ينۆەستيسيالىق قۇرالدارعا ءوسىپ وتىرعان سۇرانىسقا جاۋاپ بولىپ قانا ەمەس، سونىمەن بىرگە زاماناۋي شەشىمدەر مەن سالانى دامىتۋ پەرسپەكتيۆالارىنا قاتىستى نارىق ءۇشىن دابىل دا بولىپ تابىلادى».
وسى نوتالارعا قاتىستى ءپاتۋانى Alhamd Shariah Advisory Services Private Limited كومپانياسى شىعاردى. «Jusan Bank» بازالىق اكتيۆتەردى ساقتايتىن بانك-كاستوديان بولىپ تابىلادى، ال Russel Bedford A+ Partners كومپانياسى اۋديتورلىق فيرما رەتىندە بولادى.
