پرەزيدەنتتىڭ كومەكشىسى شارلاپايەۆ “بايتەرەك” ۇلتتىق باسقارۋشى حولدينگىنىڭ ديرەكتورلار كەڭەسىنە مۇشە بولىپ سايلاندى، دەپ حابارلايدى Dalanews.kz.
حولدينگتىڭ ديرەكتورلار كەڭەسى 10 ادامنان تۇرادى. قانات شارلاپايەۆپەن بىرگە كەڭەس قۇرامىنا پرەمەر-مينيستر ولجاس بەكتەنوۆ، پرەمەر-مينيستردىڭ ءبىرىنشى ورىنباسارى رومان سكليار، ساۋدا جانە ينتەگراسيا ءمينيسترى سەرىك جۇمانعارين، ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى ءمادي تاقييەۆ، قارجى جانە ەكونوميكا سالاسىنىڭ وكىلدەرى ەرسايىن ناعاسپايەۆ، رۋستام قارايعوشين جانە شەتەلدىك تاۋەلسىز ديرەكتورلار — ماري-حەلەن بەرارد، دانيەل الان ۆيتت جانە نوربەرت مانفرەد گرۋندكە كىردى.
ەسكە سالا كەتەيىك، شارلاپايەۆ بۇعان دەيىن دە — 2022-2023 جىلدارى «بايتەرەك» حولدينگىنىڭ باسقارما ءتوراعاسى قىزمەتىن اتقارعان تۇستا ديرەكتورلار كەڭەسىنىڭ مۇشەسى بولعان.
ال 2025 جىلى پرەزيدەنتتىڭ ەكونوميكالىق كومەكشىسى قىزمەتىنە كىرىستى.
