2 گەكتار القاپقا جامىلعى استىنا ەرتە پىسەتىن داربىز تۇقىمىن وتىرعىزعان «باعدات» شارۋا قوجالىعىنىڭ ديقاندارى پلەنكانى قوس قاپتاما تۇرىندە جاۋىپ شىققان ەكەن. ءبىرىنشى بولىپ ەگىستىك القاپتان ءونىم ارتقان قوجالىق ءتوراعاسى ب.شىنازبايەۆ ءار گەكتارىنان كەم دەگەندە 40 توننادان داربىز الۋدان ءۇمىتتى.
اۋدان بويىنشا جاۋشىقۇمدىق شارۋالار جامىلعى استىنا ءونىم ەگۋدەن الدىڭعى ورىندا تۇر. اۋىل اكىمى سەرىك ماحامبەتوۆتىڭ مالىمەتىنشە، قازىرگى تاڭدا 3312 گەكتار اۋماققا باقشا داقىلدارى ەگىلگەن. مۇنىڭ 100 پايىزى جامىلعى استىندا ءوسىرىلىپ وتىر.
كوكتەم باستالىسىمەن قاربالاس تىرلىككە كوشەتىن ديقاندار قاۋىمى پلەنكا استىنا داقىل ەگۋدىڭ شىعىنى ءار گەكتارىنا 500 مىڭ تەڭگەنى شامالايتىنىن ايتادى. دەگەنمەن، ساتۋعا ەرتە شىعارىپ ۇلگەرسە، شىققان شىعىننىڭ ورنى تولادى. ەرتە پىسكەن داربىزدىڭ كيلوسى 100 تەڭگەگە جۋىق باعادان ساتىلدى.
ەڭ باستىسى، شاردارالىق شارۋالار بيىلعى جىلى شەگىرتكە شابۋىلىنان امان. كۇندەلىكتى قاداعالاۋدىڭ ارقاسىندا زيانكەستەرمەن كۇرەس ءوز دەڭگەيىندە جۇرگىزىلىپ، ديقانداردىڭ الاڭسىز تىرلىك جاساۋلارىنا مۇمكىندىك تۋدى.
