قىزمەتىنە سىلتەمە جاساپ.
وسىعان بايلانىستى 28 شاقىرىمنان استام اۋىز سۋ قۇبىرى تولىعىمەن جاڭارتىلاتىن بولدى. بۇگىنگە دەيىن تىرشىلىك كوزىن كەستەمەن تۇتىنىپ كەلگەن 621 وتباسىعا ەندى تاۋلىگىنە 24 ساعات سۋ بەرىلەتىن بولادى.
بۇل ماسەلە اۋدان اكىمى نۇرلان بايعۇتتىڭ شاقپاق اۋىلدىق وكرۋگى تۇرعىندارىنىڭ الدىندا وتكەن جىلى اتقارىلعان جۇمىستارى تۋرالى بەرگەن ەسەبى كەزىندە كوتەرىلگەن بولاتىن. ناتيجەسىندە اۋدان باسشىسى اتالعان ەلدىمەكەننىڭ اۋىز سۋ ماسەلەسىن جەدەلدەتىپ شەشۋدى ءتيىستى سالا ماماندارىنا تاپسىرعان.
اۋدان باسشىسى قۇرىلىس نىسانىنىڭ باسىنا ارنايى بارىپ، اتقارىلىپ جاتقان جۇمىستارمەن تانىستى. جاۋاپتى باسشىلارعا جانە مەردىگەر مەكەمەگە جوسپاردى ساپالى تۇردە ورىندالۋ كەرەكتىگىن ەسكەرتتى. قۇرىلىس باسىنا جينالعان اۋىل اقساقالدارى حالىقتىڭ ايتقان وتىنىشىنە قۇلاق اسىپ، ەل مۇددەسى ءۇشىن قىزمەت ەتىپ جۇرگەن ازاماتتارعا العىستارىن ءبىلدىردى. ايتا كەتەيىك، بۇل نىساننىڭ قۇرىلىس جۇمىستارى جىل سوڭىنا دەيىن تولىعىمەن اياقتالىپ، ەل يگىلىگىنە تاپسىرىلادى دەپ كۇتىلۋدە.
