شەمٸل-اۋ
قايران كٷندەر.
سايران كٷندەر!
قاناتىن باقىت قۇسى جايعان كٷندەر.
جالت بۇرىلىپ, وقىس بٸر قاراعاندا,
جٷزٸڭنەن جٷرەكسٸنٸپ, تايعان كٸمدەر.
سول كٷندەر عوي - جٷرەكتٸڭ اڭساعانى,
سوعان شٶلدەپ, ايىزىم تامسانادى.
ٶكٸنٸش پە, بٸلمەيمٸن, قۋانىش پا?
ٶز-ٶزٸنەن جٷرەگٸم ەن سالادى.
ەنسٸز ٶمٸر ٶمٸر مە, قاڭسىماي ما,
ٶزەگٸڭدٸ ٶرتەپ دەرت, جانشىماي ما.
ماحابباتقا ارناپ بٸر ەن شىعارسىن,
شەمٸل-اۋ!
شەمشٸ كايدا?
شەمشٸ قايدا?
شەمشٸگە ايت,
تاعى دا بٸر تاڭداندىرسىن,
جانداندىرسىن جٷرەكتٸ, جانداندىرسىن!
مەڭگٸ ٶلمەس ماحابباتىم ايتا جٷرەر,
مەڭگٸلٸك ٶلمەي تۋعىن ەن قالدىرسىن!
مۇقاعالي ماقاتاەۆ
