زارداپ شەككەن كەلٸنشەك, قوعامدىق كٶلٸككە سيرەك مٸنەتٸنٸن ايتادى. الايدا, نەگە ەكەنٸ بەلگٸسٸز, سول كٷنٸ ەكٸ بالاسىن ەرتٸپ, اتا-اناسىنا بارماق بولعان ول قانداي دا بٸر سەبەپتەرمەن قوعامدىق كٶلٸككە مٸنگەن. اۆتوبۋس تەمٸرجول ٶتكەلٸندە تۇرىپ قالىپ, "پويىز جاقىندادى" دەپ ەل شۋلاعاندا ەيەل ساسقالاقتاپ, ەسٸ شىعىپ كەتكەنٸن ايتادى.
- بٸر-اق سەت. بٷكٸل جولاۋشىلار شۋلاپ كەتتٸ, ەسٸكتٸ اش دەپ بەرٸ ايقايلادى, جٷرگٸزۋشٸنٸڭ دە ەسٸ شىعىپ كەتتٸ. مەن اۆتوبۋس سالونى ارتىنان العا جەتەمٸن دەگەنشە, ەلدٸڭ بەرٸ سىرتقا شىعىپ كەتتٸ. بٸز ٷلگەرمەي قالدىق. باسىندا بٸز اۆتوبۋستىڭ ورتاسىندا وتىرعانبىز, جٷرگٸزۋشٸ الدىمەن الدىڭعى ەسٸكتٸ اشتى, سودان كەيٸن عانا ورتاسىن اشتى. مەن ەكٸ بالامەن الدىڭعى ەسٸكتەن شىعامىن دەپ ويلادىم. بٸراق يتەرە-ميتەرە سىرتقا اتىلعان حالىق مەنٸ كەيٸنگە ىسىرا بەردٸ, سٶيتٸپ بٸز ٸشتە قالىپ قويدىق. ادامدار تاپتاپ كەتپەسٸن دەپ بالالاردى جٷرگٸزۋشٸ ارتىنداعى ورىندىققا وتىرعىزدىم, - دەيدٸ ەلميرا جەنٸبەكوۆا.
ەلميرا اۋرۋحانا تٶسەگٸنە ٷش اپتا تانىلعان. وعان ەكٸ ٶتە كٷردەلٸ وتا جاسالعان, دەرٸگەرلەر اياعىنان تٸك تۇرعىزعان ول جٷرۋدٸ ەندٸ ٷيرەنٸپ جٷر. قازٸر ول سٶيلەۋگە قينالادى, قولىن دا قوزعالتا المايدى.
- قابىرعالارى ٷگٸلٸپ كەتكەن, بٸراق بٸز ونىڭ گەمو جەنە پنەۆموتوراكسقا ۇلاسىپ كەتۋٸنە جول بەرمەدٸك. كەشە بٸز ناۋقاستى امبۋلاتورييالىق جاعدايدا ەم الۋ ٷشٸن ٷيٸنە بوساتتىق. ناۋقاستىڭ جاعدايى قاناعاتتانارلىق, ٷيٸنە شىعاتىن كەزدە اياعىنان تۇرعىزدىق, ال الدىندا ول تٶسەككە تانىلعان بولاتىن. كەشە ٷيٸنە ٶز اياعىمەن كەتتٸ دەپ ايتساق تا بولادى, - دەدٸ الماتى قالالىق № 7 كلينيكالىق اۋرۋحاناسىنىڭ تراۆماتولوگييا بٶلٸمٸنٸڭ مەڭگەرۋشٸسٸ رامازان ەسكەروۆ.
سول اپاتتان زارداپ شەككەن ەيەلدٸڭ ەكٸ قىزى ەلٸ اۋرۋحانادا جاتىر. كەنجەسٸ ەلٸ كومادا, ال ٷلكەنٸ ەسٸن جيدى. قازٸر وعان ەم-دوم شارالارى جٷرگٸزٸلٸپ جاتىر, ايتقانداي, بەرٸ تەگٸن.
"ەلميرا جەنٸبەكوۆا ماتەريالدىق كٶمەكتەن ٷمٸتتٸنبەيدٸ. وسى ۋاقىت ٸشٸندە وعان ەكٸمدٸكتەن دە, اۆتوبۋس دەپوسىنان دا, قتج-دان دا ەشكٸم حابارلاسپاعان. قالاي دەگەنمەن دە الاپات اپاتتان قۇداي ساقتاپ امان قالعان ەيەلدٸڭ ٶزٸ قازٸر قىزدارى تەزٸرەك ساۋىعىپ كەتسە دەپ دۇعا قىلادى, سٶيتٸپ سول جانتٷرشٸگەرلٸك اپاتتى ۇمىتسام دەپ ارماندايدى", - دەيدٸ تەلەارنا تٸلشٸسٸ.
https://youtu.be/9olSjY7K3k0
