الماتى وبلىستىق دەنساۋلىق ساقتاۋ باسقارماسى قاراساي اۋدانى شامالعان اۋىلىنداعى اقسەڭگٸر – شامالعان ٶتكەلٸندە جولاۋشى پويىزى مەن اۆتوبۋستىڭ قاقتىعىسۋى سالدارىنان زارداپ شەككەن ٷش ادامنىڭ دەنساۋلىق جاعدايى تۋرالى جاڭا مەلٸمەتتەردٸ ۇسىندى, - دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
بەلگٸلٸ بولعانداي, قاراساي اۋداندىق ورتالىق اۋرۋحانانىڭ بازاسىندا الماتى ايماقتىق بالالار كلينيكالىق اۋرۋحاناسى مەن الماتى قالالىق № 1 كلينيكالىق اۋرۋحانانىڭ دەرٸگەرلەرٸ زارداپ شەككەن 2014 جىلعى قىز بالاعا وپەراتسييا جاسادى, ەزٸرگە بالانىڭ جاعدايى اۋىر.
ال 2016 جىلعى بٷلدٸرشٸننٸڭ دەنساۋلىق جاعدايى ٶتە اۋىر دەپ باعالانىپ وتىر. ەكٸ پاتسيەنت تە كومادا, جاساندى دەمالدىرۋ اپپاراتتارى قوسىلعان. ال انالارىنىڭ جاعدايى تۇراقتى اۋىر.
زارداپ شەككەندەرگە مەديتسينالىق كٶمەكتٸ جۇمىلدىرۋ ٷشٸن الماتى وبلىسى مەن الماتى قالاسىنداعى بٸلٸكتٸ ماماندار تارتىلدى.
ولار - الماتى ايماقتىق بالالار كلينيكالىق اۋرۋحاناسىنىڭ, الماتى كٶپسالالى كلينيكالىق اۋرۋحاناسىنىڭ, الماتى قالالىق № 1 كلينيكالىق اۋرۋحاناسىنىڭ بالالار جەنە ٷلكەندەر نەيروحيرۋرگتارى, تراۆماتولوگتارى مەن رەانيماتولوگتارى. زارداپ شەككەندەرگە بارلىق قاجەتتٸ مەديتسينالىق كٶمەكتەر كٶرسەتٸلۋدە.
جاعداي وبلىس ەكٸمٸنٸڭ جەكە باقىلاۋىنا الىنعان, پاتسيەنتتەر جاعدايى تۋرالى ساعات سايىن حابارلانىپ وتىر.
ەسكە سالساق, 15 قىركٷيەك كٷنٸ كەشكٸ ساعات جەتٸلەر شاماسىندا «الماتى - قوستاناي» باعىتىنداعى № 43 جولاۋشىلار پويىزى مەن «الماتى - قاسكەلەڭ» باعىتىنداعى «سەترا» ماركالى اۆتوبۋس سوقتىعىسىپ, سونىڭ سالدارىنان اۆتوبۋس جٷرگٸزۋشٸسٸ مەرت بولىپ, 3 جولاۋشى - 1986 جىلعى ەيەل ادام مەن ونىڭ 2014 جەنە 2016 جىلى تۋعان بالالارى زارداپ شەككەن.
اۆتوبۋستا جالپى سانى 67 ادام بولعان. سوقتىعىسۋ وقيعاسى بويىنشا قىلمىستىق ٸس قوزعالدى.
