2024 جىلعى 5 قىركٷيەكتە مەملەكەت باسشىسىنىڭ جولداۋىن جٷزەگە اسىرۋ اياسىندا «قازاۆتوجول» ۇلتتىق كومپانيياسى جالپى ۇزىندىعى 6 شاقىرىمدى قۇرايتىن رەسپۋبليكالىق ماڭىزى بار «شامالعان ستانساسىنىڭ اينالما جولى» اۆتوموبيل جولىنىڭ قايتا جاڭارتۋ جۇمىستارىن اياقتاپ, رەسمي تٷردە كٶلٸك قوزعالىسىن اشتى. بۇل جول تٶرت جولاقتى جەنە ٸ-ب تەحنيكالىق ساناتىنا جاتادى.
ۇزىندىعى 6 شاقىرىم بولاتىن ۋچاسكە «ورتالىق-وڭتٷستٸك» (استانا-قاراعاندى-بالقاش-الماتى) كٶلٸك دەلٸزٸنٸڭ نەگٸزگٸ قۇرامداس بٶلٸگٸ جەنە ەلٸمٸزدٸڭ كٶلٸك ينفراقۇرىلىمىنىڭ دامۋىندا ماڭىزدى رٶلدٸ اتقارادى.
پرەزيدەنت قاسىم-جومارت توقاەۆ ايتقانداي: «جوعارى ساپالى جولدار جالپىحالىقتىق مٸندەتكە اينالۋى تيٸس. ساپالى جولدار بولماسا, ەلٸمٸزدە ەشقانداي ٸلگەرٸلەۋشٸلٸك تۋرالى سٶز بولۋى مٷمكٸن ەمەس". وسىعان سەيكەس, مەملەكەت باسشىسىنىڭ تاپسىرماسىن ورىنداۋ ماقساتىندا بٸزدٸڭ تاراپىمىزدان اۋقىمدى جۇمىستار جٷرگٸزٸلۋدە. بۇل اينالما جولدىڭ ۇزىندىعى 6 شاقىرىم, قۇنى 25,6 ملرد.تەڭگە, شامامەن تٶرت جىل ۋاقىت كٶلەمٸندە سالىندى. وسى جوبانىڭ بٷكٸل وبلىس ٷشٸن ماڭىزى زور, سەبەبٸ ول كٶلٸك اعىنىن ايتارلىقتاي جەڭٸلدەتەدٸ, جاقىن ماڭداعى ەلدٸ مەكەن تۇرعىندارىنىڭ جول جٷرۋ ۋاقىتىن قىسقارتادى, سونىمەن قاتار بٸزدٸڭ ەل ارقىلى ٶتەتٸن ترانزيتتٸڭ ارتۋىنا دا سەپتٸگٸن تيگٸزەدٸ جەنە قوزعالىس قاۋٸپسٸزدٸگٸنٸڭ دەڭگەيٸن ارتتىرادى. بۇل جول تەك وسى اۋداننىڭ عانا ەمەس, جالپى وبلىستىڭ دامۋىنا دا وڭ ەسەرٸن تيگٸزەدٸ», - دەدٸ الماتى وبلىسىنىڭ ەكٸمٸ مارات سۇلتانعازيەۆ.
قايتا جاڭارتۋ جۇمىستارى بارىسىندا تولىق كەشەندٸ جۇمىستار اتقارىلدى: جەر تٶسەمٸن ورنالاستىرۋ, تەمٸرجول تورابى ارقىلى ٶتەتٸن ەستاكادا, ٶتپەجول, ەكٸ كٶلٸك قيىلىسى, سۋٶتكٸزگٸش قۇبىرلار سەكٸلدٸ جاساندى قۇرىلىستار سالىندى. بٷكٸل ۋچاسكە بويىنشا جولدىڭ ٷستٸڭگٸ قاباتىنا قيىرشىق تاستى-ماستيكالىق اسفالتبەتون تٶسەلدٸ. سونداي-اق ەرلەۋ جۇمىستارى اياقتالدى: جارىقتاندىرۋ جەنە سۋٶتكٸزگٸش جٷيەسٸ ورناتىلدى, جول بەلگٸلەرٸ, توسقاۋلاردار مەن تاڭبالاۋ جۇمىستارى جٷرگٸزٸلدٸ. جولدىڭ قولدانىستاعى ۋچاسكەلەرٸندە بەكٸتۋ جەنە ورتاشا جٶندەۋ جۇمىستارى اتقارىلدى.
2024 جىلدىڭ باسىنان بەرٸ جول-قۇرىلىس ماتەريالدارىن دايىنداۋ جۇمىستارى بەلسەندٸ جٷرگٸزٸلدٸ, ونىڭ ٸشٸندە قيىرشىق تاس, قۇم, تەمٸربەتون كونسترۋكتسييالارى, توسقاۋىلدار مەن قورشاۋلار, جول بەلگٸلەرٸ مەن جارىقتاندىرۋ ەلەمەنتتەرٸ. اتالمىش جۇمىستاردىڭ نەتيجەسٸندە بەلگٸلەنگەن مەرزٸمدە قۇرىلىس اياقتالىپ, ترانزيتتٸك قوزعالىستىڭ ۋاقىتىلى اشىلۋىنا مٷمكٸندٸك بەردٸ.
جوبانى جٷزەگە اسىرۋ ٷشٸن اسفالتبەتون جەنە بەتون ارالاستىرۋ زاۋىتى, 81 بٸرلٸك تەحنيكا مەن 256 جۇمىسشى جۇمىلدىرىلدى.
سونىمەن قاتار, 2024 جىلعى 5 قىركٷيەكتە اقتٶبە وبلىسىندا ۇزىندىعى 66 شاقىرىم قۇرايتىن «قاندىاعاش-ماقات» رەسپۋبليكالىق ماڭىزداعى اۆتوجولدىڭ ۋچاسكەسٸندە جەنە 123 شاقىرىم بولاتىن 8 ورتاشا جٶندەۋ ۋچاسكەسٸندە كٶلٸك قوزعالىسى اشىلدى.
2024 جىلدىڭ 15 قىركٷيەگٸنە دەيٸن تاعى 244 شاقىرىم جولدى اشۋ جوسپارلانعان: قاراعاندى وبلىسىندا 164 شاقىرىم (قاراعاندى-بالقاش), جامبىل وبلىسىندا 62 شاقىرىم (بۇرىلبايتال-اقسٷيەك) جەنە اقتٶبە وبلىسىندا 18 شاقىرىم (قاندىاعاش اينالما جولى).
2024 جىلى 3,1 مىڭ شاقىرىم رەسپۋبليكالىق اۆتوجولداردا قايتا جاڭارتۋ جەنە قۇرىلىس جۇمىستارى جٷرگٸزٸلٸپ جاتىر, ونىڭ ٸشٸندە 1,5 مىڭ شاقىرىمدا جۇمىستار جىلدىڭ سوڭىنا دەيٸن اياقتالادى.
