2024 jylǵy 5 qyrkúiekte Memleket basshysynyń Joldaýyn júzege asyrý aiasynda «QazAvtoJol» ulttyq kompaniiasy jalpy uzyndyǵy 6 shaqyrymdy quraityn respýblikalyq mańyzy bar «Shamalǵan stansasynyń ainalma joly» avtomobil jolynyń qaita jańartý jumystaryn aiaqtap, resmi túrde kólik qozǵalysyn ashty. Bul jol tórt jolaqty jáne I-b tehnikalyq sanatyna jatady.
Uzyndyǵy 6 shaqyrym bolatyn ýchaske «Ortalyq-Ońtústik» (Astana-Qaraǵandy-Balqash-Almaty) kólik dáliziniń negizgi quramdas bóligi jáne elimizdiń kólik infraqurylymynyń damýynda mańyzdy róldi atqarady.
Prezident Qasym-Jomart Toqaev aitqandai: «Joǵary sapaly joldar jalpyhalyqtyq mindetke ainalýy tiis. Sapaly joldar bolmasa, elimizde eshqandai ilgerileýshilik týraly sóz bolýy múmkin emes". Osyǵan sáikes, Memleket basshysynyń tapsyrmasyn oryndaý maqsatynda bizdiń tarapymyzdan aýqymdy jumystar júrgizilýde. Bul ainalma joldyń uzyndyǵy 6 shaqyrym, quny 25,6 mlrd.teńge, shamamen tórt jyl ýaqyt kóleminde salyndy. Osy jobanyń búkil oblys úshin mańyzy zor, sebebi ol kólik aǵynyn aitarlyqtai jeńildetedi, jaqyn mańdaǵy eldi meken turǵyndarynyń jol júrý ýaqytyn qysqartady, sonymen qatar bizdiń el arqyly ótetin tranzittiń artýyna da septigin tigizedi jáne qozǵalys qaýipsizdiginiń deńgeiin arttyrady. Bul jol tek osy aýdannyń ǵana emes, jalpy oblystyń damýyna da oń áserin tigizedi», - dedi Almaty oblysynyń ákimi Marat Sultanǵaziev.
Qaita jańartý jumystary barysynda tolyq keshendi jumystar atqaryldy: jer tósemin ornalastyrý, temirjol toraby arqyly ótetin estakada, ótpejol, eki kólik qiylysy, sýótkizgish qubyrlar sekildi jasandy qurylystar salyndy. Búkil ýchaske boiynsha joldyń ústińgi qabatyna qiyrshyq tasty-mastikalyq asfaltbeton tóseldi. Sondai-aq árleý jumystary aiaqtaldy: jaryqtandyrý jáne sýótkizgish júiesi ornatyldy, jol belgileri, tosqaýlardar men tańbalaý jumystary júrgizildi. Joldyń qoldanystaǵy ýchaskelerinde bekitý jáne ortasha jóndeý jumystary atqaryldy.
2024 jyldyń basynan beri jol-qurylys materialdaryn daiyndaý jumystary belsendi júrgizildi, onyń ishinde qiyrshyq tas, qum, temirbeton konstrýktsiialary, tosqaýyldar men qorshaýlar, jol belgileri men jaryqtandyrý elementteri. Atalmysh jumystardyń nátijesinde belgilengen merzimde qurylys aiaqtalyp, tranzittik qozǵalystyń ýaqytyly ashylýyna múmkindik berdi.
Jobany júzege asyrý úshin asfaltbeton jáne beton aralastyrý zaýyty, 81 birlik tehnika men 256 jumysshy jumyldyryldy.
Sonymen qatar, 2024 jylǵy 5 qyrkúiekte Aqtóbe oblysynda uzyndyǵy 66 shaqyrym quraityn «Qandyaǵash-Maqat» respýblikalyq mańyzdaǵy avtojoldyń ýchaskesinde jáne 123 shaqyrym bolatyn 8 ortasha jóndeý ýchaskesinde kólik qozǵalysy ashyldy.
2024 jyldyń 15 qyrkúiegine deiin taǵy 244 shaqyrym joldy ashý josparlanǵan: Qaraǵandy oblysynda 164 shaqyrym (Qaraǵandy-Balqash), Jambyl oblysynda 62 shaqyrym (Burylbaital-Aqsúiek) jáne Aqtóbe oblysynda 18 shaqyrym (Qandyaǵash ainalma joly).
2024 jyly 3,1 myń shaqyrym respýblikalyq avtojoldarda qaita jańartý jáne qurylys jumystary júrgizilip jatyr, onyń ishinde 1,5 myń shaqyrymda jumystar jyldyń sońyna deiin aiaqtalady.
