الماتىداعى «راديو ٷيٸ» عيماراتىندا «شالقار» راديوسىنىڭ تولىق جٶندەۋدەن ٶتكەن جاڭا ستۋديياسى سالتاناتتى تٷردە اشىلدى. جاڭا ستۋديياعا قازاقتىڭ تۇڭعىش راديوديكتورى, قازاق راديوسىنىڭ ارداگەرٸ, كسرو-نىڭ قۇرمەتتٸ راديسٸ, قازاق كسر-نٸڭ ەڭبەك سٸڭٸرگەن مەدەنيەت قايراتكەرٸ مينا سەيٸتوۆانىڭ ەسٸمٸ بەرٸلدٸ, دەپ حابارلايدى Dala News.
سالتاناتتى شاراعا راديو سالاسىنىڭ ارداگەرلەرٸ, قازٸرگٸ قىزمەتكەرلەرٸ جەنە بۇقارالىق اقپارات قۇرالدارىنىڭ ٶكٸلدەرٸ قاتىستى. ستۋدييانىڭ تۇساۋكەسەر رەسٸمٸندە رۋسلانا قۇدايبەرگەنوۆا, ساۋىق جاقانوۆا, التىن يمانباەۆا سىندى راديونىڭ بٸرقاتار اعا بۋىن ٶكٸلدەرٸ سٶز سٶيلەپ, بۇل باستامانىڭ ماڭىزدىلىعىن اتاپ ٶتتٸ.
جاڭا ستۋدييا «شالقار» راديوسىنىڭ 60 جىلدىق مەرەيتويى اياسىندا, تالاي ديكتورعا تەلٸم بەرگەن ۇستاز, راديو ٶنەرٸنٸڭ كٶرنەكتٸ ٶكٸلٸ مينا سەيٸتوۆانىڭ جارقىن ەسٸمٸن ۇلىقتاۋ ماقساتىندا اشىلدى.
بٷگٸننەن باستاپ جاڭا ستۋدييادان «شالقار» راديوسىنىڭ تٸكەلەي ەفيردەگٸ وننان استام باعدارلاماسى تىڭدارمانعا جول تارتادى. زاماناۋي ٷلگٸدە جابدىقتالعان ستۋدييا قابىرعاسىنا مينا سەيٸتوۆانىڭ پورترەتٸ ورنالاستىرىلىپ, ينتەرەردە استانا مەن الماتى قالالارىنىڭ كٶرٸكتٸ جەرلەرٸ بەينەلەنگەن.
مينا سەيٸتوۆا 1919 جىلى 20 تامىزدا قوستاناي وبلىسى قارابالىق اۋدانىنىڭ №9 اۋىلىندا دٷنيەگە كەلگەن. ول 1934 جىلى نەبەرٸ 15 جاسىندا قازاق راديوسىنا قىزمەتكە قابىلداندى.
ەكٸنشٸ دٷنيەجٷزٸلٸك سوعىس جىلدارى مەسكەۋدەن تاراعان رەسمي اقپاراتتاردى كسرو حالىقتارىنا يۋريي لەۆيتان جەتكٸزسە, قازاق دالاسىنا سوعىس حابارلارىن مينا سەيٸتوۆانىڭ ٷنٸ جەتكٸزدٸ.
ول ميكروفون الدىندا 44 جىل قىزمەت ەتٸپ, راديو سالاسىندا بٸرنەشە بۋىن ديكتور مەن مەدەنيەت قايراتكەرلەرٸن تەربيەلەدٸ. ونىڭ شەكٸرتتەرٸنٸڭ قاتارىندا قازاق كسر-ٸنٸڭ حالىق ەرتٸسٸ ەنۋاربەك بايجانباەۆ, كسرو حالىق ەرتٸسٸ ەرمەك سەركەباەۆ, قازاق كسر-ٸنٸڭ حالىق ەرتٸسٸ زەمزاگٷل شەرٸپوۆا, اقىن مۇقاعالي ماقاتاەۆ, كسرو حالىق ەرتٸسٸ بيبٸگٷل تٶلەگەنوۆا, ديكتورلار مامبەت سەرجانوۆ, گەنناديي ماريۋحين, قازاقستاننىڭ ەڭبەك سٸڭٸرگەن قايراتكەرٸ ساۋىق جاقانوۆا جەنە باسقا دا تانىمال تۇلعالار بار.
قازاقتىڭ تۇڭعىش ديكتورى مينا سەيٸتوۆا ەڭبەك جولىندا بٸرنەشە جوعارى مەملەكەتتٸك ناگرادالارمەن ماراپاتتالعان. 1978 جىلى قۇرمەتتٸ دەمالىسقا شىعىپ, 1987 جىلى دٷنيەدەن ٶتتٸ.
