سايرام اۋدانداعى بار رەزەرۆتەردى  پايدالانۋ ەسەبىنەن  اۋدان ەكونوميكاسىن كوتەرۋدە كوپتەگەن جۇمىستار اتقارىلۋدا. ءبىر عانا يندۋستريالاندىرۋ كارتاسىنىڭ «وڭىرلەر كاسىپكەرلىگىن قولداۋ كارتاسىنا» جالپى قۇنى 7،8 ملرد.تەڭگەلىك 13  جوبا ەنگەن، قازىرگى تاڭدا 8 جوبا ىسكە قوسىلىپ، ءونىم وندىرۋدە. وسى جۇمىستاردىڭ ارقاسىندا 391  جۇمىس ورىندارى اشىلعانىن ايتا كەتۋىمىز كەرەك.

جىل باسىنان «وڭىرلەر كاسىپكەرلىگىن قولداۋ كارتاسىنداعى» جوبالار ەسەبىنەن 4،7 ملرد. تەڭگەنىڭ ءونىمى ءوندىرىلدى. جىل سوڭىنا دەيىن باعدارلاما اياسىندا «بىرلىك-4» ج ش س  «اۋىل شارۋاشىلىعى ونىمدەرىن وڭدەيتىن كەشەن قۇرىلىسى» جوباسىنىڭ ىسكە قوسىلۋى جوسپارلانۋدا. اتالعان كاسىپورىن جۇمىسىن باستاعاندا اۋداندا تاعى دا 100-150 ادام تۇراقتى جۇمىسپەن قامتىلاتىن بولادى.

اۋداندا شاعىن كاسىپكەرلىك سالاسى دا بەلسەندە دامۋدا. قازىرگى تاڭدا اۋداندا شاعىن كاسىپكەرلىك  سۋبەكتىلەرىنىڭ سانى 14665 بىرلىككە جەتىپ، ءوسىم 12،8% قۇراعان. بۇل سالادا  992 ادام جۇمىسپەن قامتىلىپ، وتباسىن اسىراپ وتىر.

2018 جىلى كاسىپكەرلىك سالاسىندا  85،8 ملرد.تەڭگەنىڭ ءونىمىن ءوندىرۋ جوسپارلانعان بولاتىن. ءبىراق سوڭعى 10 ايدىڭ كورسەتكىشىنە كوز سالعان ادام جوسپار ارتىعىمەن ورىندالىپ، شاعىن كاسىپكەرلىك سالادا 93،7 ملرد. تەڭگەنىڭ ءونىمى وندىرىلگەنىن بايقايدى. وسىلايشا ءوسىم 104،0 پايىزدى قۇراپ وتىر.



Dalanews.kz