قازاقستاندا سيفرلىق تەڭسىزدىك ماسەلەسى ءالى دە وزەكتى: اسىرەسە شالعاي ءارى شاعىن ەلدى مەكەندەردە ينتەرنەت ساپاسى ءبىلىم، جۇمىس جانە سيفرلىق قىزمەتتەرگە قولجەتىمدىلىككە تىكەلەي اسەر ەتەدى. وسى باعىتتا قازاقستاندىق جەتەكشى ۇيالى بالانىس وپەراتورى Kcell اۋىلدىق ينفراقۇرىلىمدى كەزەڭ-كەزەڭىمەن كۇشەيتىپ، قامتۋ گەوگرافياسىن كەڭەيتۋگە كۇش سالىپ كەلەدى، دەپ حابارلايدى Dalanews.kz.
Kcell حالقى 250 ادامنان اساتىن اۋىلداردى ءموبيلدى كەڭ جولاقتى ينتەرنەتپەن قامتۋعا باعىتتالعان «250+» جوباسى اياسىندا جۇمىستاردى جالعاستىرىپ وتىر. جوبانىڭ ماقساتى – اۋىلدىق اۋماقتاردا جوعارى جىلدامدىقتى بايلانىسقا قولجەتىمدىلىكتى ارتتىرۋ جانە سيفرلىق تەڭسىزدىكتى قىسقارتۋ.
كومپانيا دەرەگىنە سايكەس، 2025 جىلى «250+» جوباسى اياسىندا 131 ەلدى مەكەن بايلانىسپەن قامتىلعان. ولاردىڭ اراسىندا تۇركىستان، اقتوبە، الماتى جانە باتىس قازاقستان وبلىسى كوش باستاپ تۇر. جاڭا بازالىق ستانسيالار نەگىزىنەن 4G (LTE) تەحنولوگياسىنا سۇيەنەدى. 4Gء-دىڭ اۋىلدىق جەرلەر ءۇشىن پراكتيكالىق ءمانى «تەك جىلدامدىقپەن» شەكتەلمەيدى: تۇراقتى ينتەرنەت قاشىقتان وقۋ، ونلاين جانە مەملەكەتتىك قىزمەتتەردى پايدالانۋ جانە كۇندەلىكتى كوممۋنيكاسيا ساپاسىن جاقسارتۋعا مۇمكىندىك بەرەدى.
ينتەرنەت ساپاسى ارتقان سايىن اۋىلداعى سيفرلىق مىنەز-قۇلىق تا وزگەرەدى: جەرگىلىكتى تۇرعىندار قاشىقتان جۇمىس، ونلاين-ساۋدا، قارجىلىق سەرۆيستەر سياقتى قۇرالداردى جيىرەك قولدانا باستايدى. بۇل، ءوز كەزەگىندە، شاعىن جانە ورتا بيزنەسكە جاڭا مۇمكىندىكتەر اشىپ، قىزمەت كورسەتۋدىڭ سيفرلىق فورماتقا كوشۋىن جىلدامداتۋى مۇمكىن.
Kcell اۋىلداردى ساپالى ينتەرنەتپەن قامتاماسىز ەتىپ قانا قويماي، تاريف باعاسىن كوتەرمەگەن جالعىز وپەراتور رەتىندە حالىق سەنىمىنە يە بولىپ وتىر.
اۋىلداعى ساپالى ينتەرنەت – بايلانىس ماسەلەسى عانا ەمەس، ءومىر ساپاسى مەن ەكونوميكالىق مۇمكىندىكتەردىڭ فاكتورى. تۇراقتى ءموبيلدى ينتەرنەت اۋىل تۇرعىندارىنا ۋاقىت پەن شىعىندى قىسقارتىپ، قىزمەتتەرگە قولجەتىمدىلىكتى جەڭىلدەتەدى، ال كاسىپكەرلىك ءۇشىن جاڭا نارىق پەن كليەنتكە شىعۋدىڭ جولىن اشادى. وسى تۇرعىدان العاندا اۋىل ينفراقۇرىلىمىنا سالىنعان ءار قادام وڭىرلەردىڭ دامۋىنا تىكەلەي اسەر ەتەدى.
