«سەرپٸن» تٷلەكتەرٸ ريددەردە قالاتىن بولدى
شىعىس قازاقستان ايماقتىق كومۋنيكاتسييالار قىزمەتٸندە ٶتكەن باسپاسٶز مەسليحاتى بارىسىندا ريددەر قالاسىنىڭ ەكٸمٸ جومارت مۇراتوۆ كادر تاپشىلىعى مەسەلەسٸنە توقتالا وتىرىپ, «سەرپٸن» باعدارلاماسىمەن بٸلٸم العان ستۋدەنتتەردٸڭ ايماقتا جۇمىس ٸستەۋگە قالاتىنىن ايتتى.
– بيىلعى جىلى تەحنيكۋمدى 22 ستۋدەنت اياقتادى. ولاردىڭ 7-ٸ جوو وقۋعا تٷسۋدٸ جوسپارلاسا, 15 ستۋدەنت ريددەر قالاسىندا قالۋدى ۇيعاردى. قازٸردە «كازتسينك» جشس 10 ەر بالانى جۇمىسقا الۋعا ەزٸر ەكەندٸكتەرٸن جەتكٸزدٸ, – دەدٸ ج. مۇراتوۆ.
ال قالعان 5 ستۋدەنت قىز بالانى قالالىق ەكٸمشٸلٸك جۇمىسسىز قالدىرماق ەمەس. قوسىمشا اسپازشى سىندى ٶزگە ماماندىقتارعا وقىتىپ, جەدەل ارادا جاڭا جۇمىسقا ورنالىستىرماق
تەحنيكۋم تٷلەكتەرٸنە قولايلى جاعداي جاساۋ ماقساتىندا قالا باسشىلىعى ولاردىڭ اتا-انالارىنا حات جازىپ, كٶشٸپ كەلۋ مٷمكٸندٸگٸن قاراستىرۋدى ۇسىنعان. ەگەر ەكٸمدٸك ۇسىنىسىن قابىل العان جاعدايدا, سەرپٸندٸك تٷلەكتٸڭ وتباسىنداعى ەڭبەككە قابٸلەتتٸ باسقا جانداردى دا جۇمىسقا ورنالاستىرۋ جوسپاردا بار.
