Shyǵys Qazaqstan Aımaqtyq komýnıkasıalar qyzmetinde ótken baspasóz máslıhaty barysynda Rıdder qalasynyń ákimi Jomart Muratov kadr tapshylyǵy máselesine toqtala otyryp, «Serpin» baǵdarlamasymen bilim alǵan stýdentterdiń aımaqta jumys isteýge qalatynyn aıtty.
– Bıylǵy jyly tehnıkýmdy 22 stýdent aıaqtady. Olardyń 7-i JOO oqýǵa túsýdi josparlasa, 15 stýdent Rıdder qalasynda qalýdy uıǵardy. Qazirde «Kazsınk» JSHS 10 er balany jumysqa alýǵa ázir ekendikterin jetkizdi, – dedi J. Muratov.
Al qalǵan 5 stýdent qyz balany qalalyq ákimshilik jumyssyz qaldyrmaq emes. Qosymsha aspazshy syndy ózge mamandyqtarǵa oqytyp, jedel arada jańa jumysqa ornalystyrmaq
Tehnıkým túlekterine qolaıly jaǵdaı jasaý maqsatynda qala basshylyǵy olardyń ata-analaryna hat jazyp, kóship kelý múmkindigin qarastyrýdy usynǵan. Eger ákimdik usynysyn qabyl alǵan jaǵdaıda, serpindik túlektiń otbasyndaǵy eńbekke qabiletti basqa jandardy da jumysqa ornalastyrý josparda bar.
